རྒྱ་ནག་གཞུང་གིས་གནོན་ཤུགས་སྤྲོད་ཀྱི་ཡོད་པར་མ་ལྟོས་པར། ཟླ་བ་འདིའི་ཕྱི་ཚེས་༢༦ སྟེ། རེས་གཟའ་ཉིན་མའི་ཉིན། ཡོ་རོབ་ནང་གི་ལྒང་ཕུག་གི་དུས་སྟོན་ཆེ་ཤོས་ཤིག་ལ་བོད་ཀྱི་རྒྱལ་དར་གྱི་ཚོན་རིག་བཀྲ་བའི་ལྒང་ཕུག་ཧ་ཅང་ཆེན་པོ་ཞིག་བར་སྣང་ལ་བཏང་ཡོད་པའི་གནས་ཚུལ་འདུག ཡོ་རོབ་ཀྱི་རྒྱལ་ཁབ་ཕ་རན་སིའི་ནང་ཟླ་བ་འདིའི་ཕྱི་ཚེས་༢༤ ནས་ཟླ་བ་རྗེས་མའི་ཕྱི་ཚེས་༢ བར། ཁྱོན་ཉིན་གྲངས་བཅུའི་རིང་ཡོ་རོབ་ནང་གི་ལྒང་ཕུག་གི་དུས་སྟོན་ཆེ་ཤོས་ཤིག་ལོ་ངོ་གཉིས་རེའི་མཚམས་སུ་ཚོགས་སྲོལ་ཡོད་པ་ལྟར།