སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་རྒྱ་ནག་གི་བཙོན་ཁང་ནང་སྐུ་ཚེ་མ་ཟིན་པའི་གནས་ཚུལ་ཐོན་པའི་རྗེས། བཙན་བྱོལ་བོད་གཞུང་གི་ལྟེ་གནས་བཞུགས་སྒར་རྡ་རམ་ས་ལར་བོད་མི་རྣམས་ཀྱིས་མྱ་ངན་དང་རྗེས་དྲན་ཞུ་བཞིན་པ་དང་། རྒྱལ་སྤྱིའི་ས་ཁུལ་གང་སར་ཡོད་པའི་བོད་དོན་རྒྱབ་སྐྱོར་ཚོགས་པ་ཁག་གིས་ལས་འགུལ་སྤེལ་བཞིན་པའི་སྐབས་འདིར། ཨ་མི་རི་ཁའི་སྲིད་གཞུང་དང་གྲོས་ཚོགས་ཀྱི་མི་སྣ་ཁག་གཅིག་གིས་ཁོང་གི་སྐུ་ཕུང་ནང་མི་ལ་བརྩི་སྤྲོད་བྱེད་དགོས་པ་རྒྱ་ནག་གཞུང་ལ་སྐུལ་མ་བྱེད་བཞིན་ཡོད་པ་རེད།