འཛམ་གླིང་གི་བཟོ་ལས་ཡར་ཐོན་ཅན་གྱི་འབྱོར་ལྡན་རྒྱལ་ཁབ་བདུན་གྱི་ཆེས་མཐོའི་དབུ་ཁྲིད་རྣམས་པ་ ཇར་མཱི་ནཱིར་ལྷན་འཛོམས་གནང་སྟེ་ རྒྱལ་སྤྱིའི་གནད་དོན་རྒྱ་ཆེའི་ཐད་གྲོས་མོལ་གནང་གི་ཡོད་ཅིང་ གཟའ་ཉི་མའི་ཉིན་དབུ་འཛུགས་གནང་བའི་ཉིན་གཉིས་ཀྱི་ལྷན་ཚོགས་དེའི་ཐོག་ ཉི་ཧོང་གི་སྲིད་བློན་སྐུ་ཞབས་ཤིན་ཛཱོ་ཨཱ་བྷེ་ཡིས་ གཙོ་བོ་རྒྱ་ནག་དང་ ར་ཤི་ཡེའི་སྐོར་གླེང་སློང་གནང་སྟེ་ ཡུལ་གྲུ་དེ་གཉིས་ཀྱིས་དྲག་ཤུགས་ལ་བརྟེན་ནས་ ལྷོ་དང་ཤར་རྒྱ་ནག་རྒྱ་མཚོ་དང་ ཡུ་ཀེ་རན་གྱི་ད་ལྟའི་གནས་སྟངས་ལ་འགྱུར་བ་གཏོང་རྩིས་བྱེད་ཀྱི་ཡོད་པ་དེ་དག་ལ་ ཚོགས་ཞུགས་ཚང་མས་མཐའ་གཅིག་ཏུ་ངོ་རྒོལ་བྱེད་དགོས་པའི་ཞུ་བསྐུལ་ནན་པོ་གནང་རྒྱུའི་འཆར་གཞི་ཡོད་འདུག
