ཕྱི་ཟླ་༣་ཚེས་༡༦་ཉིན་བཞུགས་སྒར་དྷ་རམ་ས་ལར་སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་དུས་དགུ་པ་དེ་དབུ་འཛུགས་གནང་ཡོད་ཅིང་། གྲོས་ཚོགས་ཀྱི་ཚོགས་དུས་འདི་གཙོ་བོ་གཞུང་གི་སྔོན་རྩིས་གཏན་འབེབས་ཀྱི་གྲོས་ཚོགས་ཤིག་ཡིན་སྟབས་གྲོས་ཚོགས་ཉིན་དང་པོར་དཔལ་འབྱོར་བཀའ་བློན་མཆོག་གིས་སྐབས་བཅུ་བཞི་པའི་བཀའ་ཤག་གི་སྔོན་རྩིས་ཐེངས་བཞི་པ་གྲོས་ཚོགས་སུ་འབུལ་ལམ་ཞུས་ཏེ། སྤྱི་འཐུས་ཚོགས་གཙོ་མཆོག་གིས་གྲོས་ཚོགས་དབུ་འཛུགས་ཀྱི་གསུང་བཤད་ཀྱང་གནང་ཡོད་པ་རེད།།