རྒྱ་གར་ལྷོ་ཕྱོགས་ཀྱི་མོན་གོ་ཊི་དགའ་ལྡན་བྱང་རྩེ་ཐོས་བསམ་ནོར་གླིང་གྲྭ་ཚང་དུ་༧གོང་ས་མཆོག་གིས་ལམ་རིམ་གསུང་ཆོས་གནང་གི་ཡོད་པའི་སྐབས་དང་བསྟུན་ཏེ། བོད་ཀྱི་མདོ་ཁམས་བྲག་གཡབ་པ་སེར་སྐྱ་མི་མང་དྲུག་བརྒྱ་ལྷག་གིས་༸གོང་ས་སྐྱབས་མགོན་ཆེན་པོ་མཆོག་ལ་བརྟན་བཞུགས་ཕུལ་ཡོད་ཅིང་། ད་རེས་ཀྱི་བརྟན་བཞུགས་སྐབས་སུ་བྲག་གཡབ་སྐྱབས་མགོན་བློ་ལྡན་ཤེས་རབ་མཆོག་གིས་རྡོ་རྗེ་སློབ་དཔོན་གནང་བ་མ་ཟད། ཁོང་གིས་༧གོང་ས་མཆོག་སྐུ་ཚེ་ཡུན་དུ་བརྟན་དགོས་པའི་གསོལ་འདེབས་ཞུས་ཀྱང་༸གོང་ས་མཆོག་གིས་དོལ་རྒྱལ་བསྟེན་གསོལ་བྱེད་པའི་དགོན་སྡེ་ཁག་ལ་མགོན་པོ་གང་ཉིད་ཆིབས་སྒྱུར་བསྐྱང་ཐུབ་ཐབས་མེད་ཅེས་བཀའ་སློབ་ནན་པོ་བསྩལ་ཡོད་པ་རེད།།
