ཨ་རིའི་ནུབ་བྱང་བོད་རིགས་ཚོགས་པས་ཟླ་བ་འདིའི་ཕྱི་ཚེས་༡༧ ཉིན་ཤར་ནུབ་སྨན་གྱི་བགྲོ་གླེང་ཚོགས་འདུ་ཞེས་པ་ཞིག་གོ་སྒྲིག་གནང་ཡོད་ཅིང། བགྲོ་གླེང་ཚོགས་འདུར་བོད་ལུགས་སྨན་པ་དང་ཕྱི་ལུགས་སྨན་པ་བཅས་ཁྱོན་བསྡོམས་མི་བརྒྱད་མཉམ་ཞུགས་གནང་ནས་ནད་ལ་རྟགས་དཔྱད་བྱེད་ཕྱོགས་དང་བཅོས་ཐབས། དེ་བཞིན་སྔོན་འགོག་ཀྱི་བྱ་ཐབས་བཅས་གླེང་མོལ་གནང་འདུག བགྲོ་གླེང་མདུན་ཅོག་གི་ལས་རིམ་ནང་དུ་ཚོགས་འདུ་དེའི་གལ་གནད་དང་གྲུབ་འབྲས་ཅི་བྱུང་ཐད་དུ་འབྲེལ་ཡོད་མི་གསུམ་གླེང་མོལ་ཞུས་ཡོད།