༄ ༅། ཉེ་ལམ་རྒྱ་གར་རྒྱལ་ས་ལྡི་ལིའི་ནང་རྒྱལ་སྤྱིའི་རྒྱལ་ཁབ་ཁྱོན་བཞི་ཅུ་ཙམ་ནས་ སྐུ་ཚབ་ཁྱོན་ཉི་བརྒྱ་ལྷག་ཆེད་འཕེབས་གནང་བས་རྒྱལ་སྤྱིའི་ནང་བསྟན་ལྷན་ཚོགས་ ཐེངས་དང་པོ་དེ་གནང་ཡོད་པ་དང། ནང་བསྟན་ལྷན་ཚོགས་ཀྱིས་བོད་ཀྱི་བླ་ན་མེད་པའི་དབུ་ཁྲིད་༧གོང་ས་མཆོག་སློབ་ སྟོན་པར་བསྐོ་བཞག་གནང་ཡོད་པ་དང་ བཀའ་བློན་ཁྲི་ཟུར་ཟམ་མདོང་རིན་པོ་ཆེ་མཆོག་འགན་འཛིན་ལྷན་ཚོགས་ཀྱི་ཚོགས་གཙོ་ བརྒྱད་ཡོད་པའི་ཁོངས་ནས་ཅིག་བསྐོ་བཞག་གནང་ཡོད་པ་རེད། བགྲོ་ གླིང་མདུན་ལྕོག་ལས་རིམ་གྱིས་ལྷན་ཚོགས་གོ་སྒྲིག་གནང་མཁན་ལ་དྭགས་བླ་མ་བློ་ བཟང་ལགས་དང་ཨ་རི་རླུང་འཕྲིན་ཁང་གི་གནས་ཚུལ་མཁོ་བཏོང་བ་ཚེ་རིང་དབང་རྒྱལ་ལགས་ གཉིས་གདན་འདྲེན་ཞུས་ཏེ་ལྷན་ཚོགས་སྐོར་གླེང་མོལ་ཞུ་གི་རེད།