ཨ་རིའི་ནང་རྟེན་གཞི་བྱས་པའི་པིའུ་ཉམས་ཞིབ་ལྟེ་གནས་ཁང་གིས་རྒྱལ་སྤྱིའི་རྒྱལ་ཁབ་ཁྱོན་སུམ་ཅུ་སོ་དགུའི་ནང་མི་མང་གི་བསམ་ཚུལ་བསྡུ་ལེན་བྱས་ཏེ་ཨ་མི་རི་ཀ་དང་རྒྱ་ནག་གཉིས་ལ་ ཆེ་མཐོང་ཇི་ཙམ་ཡོད་མིན་ཞིབ་འཇུག་བྱས་ཡོད་པ་རེད། ཞིབ་འཇུག་གི་གྲུབ་ཐོའི་ནང་ རྒྱལ་སྤྱིའི་མི་མང་གི་ཁྲོད་དུ་ཨ་མི་རི་ཀ་དང་རྒྱ་ནག་གཉིས་ལ་ལྟ་ཚུལ་མ་འདྲ་བའི་ཁྱད་པར་ཆེན་པོ་ མངོན་གསལ་བྱུང་འདུག ལས་རིམ་གྱིས་ཨ་རིའི་ནེའུ་ཡོག་གྲོང་ཁྱེར་ནང་གནས་འཁོད་སྐུ་ཚབ་དོན་གཅོད་ཁང་གི་སྐུ་ངོ་བློ་བཟང་སྙན་གྲགས་ལགས་སུ་ཞིབ་འཇུག་གི་གྲུབ་ཐོ་དེའི་དོན་སྙིང་ དང་མཚོན་འདོན་ཐད་གླེང་མོལ་ཞུ་གི་རེད།