ཉེ་དུས་གནས་མཆོག་རྡོ་རྗེ་གདན་དུ་དྲག་སྤྱོད་པ་ཁག་ཅིག་གིས་འབར་རྫས་ཀྱི་བསྟོར་རྒོལ་འགའ་ཞིག་བཏང་ཡོད་པ་དེ་ཚོར་གཟིགས་ཞིབ་དང་ས་གནས་ཀྱི་གནས་སྟངས་ལ་བསྐྱར་ཞིག་གནང་རྒྱུ་སོགས་ཀྱི་ཆེད་དུ་བཙན་བྱོལ་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་གནས་མཆོག་རྡོ་རྗེ་གདན་དུ་གཟིགས་ཞིབ་ལ་ཕེབས་ཡོད་པ་དང་། སྲིད་སྐྱོང་མཆོག་རྡོ་རྗེ་གདན་དུ་ཕེབས་པའི་སྐབས་འདིར་རྒྱ་གར་གཞུང་གི་དབུས་ཞིབ་བཤེར་ལས་ཁང་ཡིས་བསྟོར་རྒོལ་གཏོང་མཁན་ཡིན་སྲིད་པའི་དྲག་སྤྱོད་པ་ཚོའི་འདྲ་པར་ཁག་ཅིག་མང་ཚོགས་ལ་འགྲེམས་སྤེལ་གནང་ཡོད་པ་སོགས་ཀྱི་སྐོར་ལ་ཕུན་ཚོགས་ཚེ་རིང་ལགས་ཀྱིས་ཕྱོགས་བསྒྲིགས་ཀྱིས་སྙན་སྒྲོན་གནང་གི་རེད།