རྒྱ་ནག་གཞུང་གི་དབང་བསྒྱུར་དང་དྲག་གནོན་སྲིད་བྱུས་ལ་ངོ་རྒོལ་བྱ་རྒྱུའི་ཆེད་བོད་མི་རང་ལུས་མེར་སྲེག་གཏོང་མཁན་གྱི་གྲངས་འབོར་དེ་ད་ཆ་བརྒྱ་ཟིན་གྱི་ཡོད་ནའང་ རྒྱ་གཞུང་གིས་བོད་མི་རང་ལུས་མེར་སྲེག་གཏོང་མཁན་ཚོའི་དགོས་འདུན་ལ་བསམ་གཞིགས་བྱེད་རྒྱུ་ལས་ལྡོག་སྟེ་ བོད་ནང་དྲག་གནོན་གྱི་སྲིད་བྱུས་མུ་མཐུད་ལག་བསྟར་བྱེད་མུས་ཡིན་པ་དང་། ཕྱོགས་མཚུངས་རྒྱལ་སྤྱིའི་ཁྲོད་ནས་ཀྱང་རང་ལུས་མེར་སྲེག་བཏང་བའི་གནས་ཚུལ་ལ་དེ་ཙམ་དོ་སྣང་ཆེན་པོ་ཞིག་བྱེད་ཀྱི་མེད་པའི་གནས་སྟངས་ཤིག་ཡོད་མུས་རེད། བཞུགས་སྒར་ཀིར་རྟི་བྱིས་པ་གྲྭ་ཚང་གི་བོད་གནས་འབྲེལ་མཐུད་པ་སྐུ་ཞབས་བློ་བཟང་ཡི་ཤེས་ལགས་དང་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་གཅིག་ལྕོགས་ཡིན་པ་ཚེ་རིང་ཚོ་མོ་ལགས་གཉིས་ལ་རང་ལུས་མེར་སྲེག་བཏང་བའི་གནས་ཚུལ་སྤྱི་ཡོངས་ཀྱི་ཐད་ལ་བསྐྱར་ཞིབ་ཞུ་གི་ཡོད།