ཐེངས་དེའི་ཕ་ཡུལ་གླེང་སྟེགས་ལས་རིམ་ནང་དུ་དེ་རིང་ཕྱི་ཟླ་བཅུ་པའི་ཚེས་༢༢ཡི་ཞོགས་པ་བོད་ཀྱི་མདོ་སྨད་ཨ་མདོ་བླ་བྲང་དགོན་པའི་ཆོས་རའི་རྒྱབ་ལོགས་སུ་བོད་མི་དོན་གྲུབ་ཞུ་བས་རང་ལུས་མེར་སྲེག་བཏང་སྟེ་རྒྱ་ནག་གཞུང་ལ་ངོ་རྒོལ་བྱས་ཡོད་པ་དང་དོན་གྲུབ་ལགས་ནི་ད་ལོ་དགུང་ལོ་༦༡ ཡིན་པས་ད་བར་དུ་བོད་ནང་གི་རང་ལུས་མེར་སྲེག་གཏོང་མཁན་ཚོའི་ནང་ནས་དགུང་ལོ་མཐོ་ཤོས་དེ་ཡིན་པ་སོགས་ཀྱི་སྐོར་གནས་ཚུལ་མཁོ་སྤྲོད་པ་རྒྱ་གར་ལྷོ་ཕྱོགས་འབྲས་སྤུངས་སྒོ་མང་གྲ་ཚང་གི་དགེ་འདུན་པ་བསོད་ནམས་ལགས་དང་ཕ་ཡུལ་བླ་བྲང་ནས་ཡིན་པའི་ང་ཚོའི་ལས་བྱེད་རྡོ་རྗེ་ཚེ་བརྟན་གཉིས་གདན་འདྲེན་ཞུས་ཏེ་བགྲོ་གླེང་ཞུས་པ་ཞིག་གསན་རོགས་གནང་།