ད་ལམ་རྒྱ་ནག་གཞུང་གིས་བོད་རང་སྐྱོང་ལྗོངས་ནང་ལ་ཕྱི་སྡོད་བོད་མི་ཚོའི་ཆེད་དུ་སྣེ་ལེན་ལས་ཁུངས་ཤིག་གསར་འཛུགས་བྱ་རྒྱུ་ཡིན་པ་དང་བོད་རང་སྐྱོང་ལྗོངས་ཆབ་སྲིད་གྲོས་ཚོགས་ནང་ལ་ཕྱི་སྡོད་ བོད་མིའི་གནད་དོན་ཐད་དམིགས་བསལ་ཚོགས་ཆུང་ཞིག་གསར་བཙུགས་བྱས་ཡོད་ལུགས་གསལ་བསྒྲགས་བྱས་ཡོད་པ་རེད། གཟའ་འཁོར་འདིའི་མདུན་ལྕོག་བགྲོ་གླིང་གི་ལས་རིམ་ལ་ཨ་རིའི་སྐུ་ཚབ་དོན་གཅོད་ཁང་གི་ དྲུང་འཕར་ཀུན་དགའ་བཀྲིས་ལགས་དང་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་འགན་འཛིན་ཟུར་པ་སྐུ་ཞབས་ངག་དབང་འོད་འབར་ལགས་སུ་རྒྱ་ནག་གཞུང་གིས་ཕྱི་སྡོད་མིའི་ ཐོག་ལག་བསྟར་བྱེད་བཞིན་པའི་སྲིད་ཁག་གི་དགོས་དམིགས་དང་ཤུགས་རྐྱེན་སོགས་ཀྱི་ཐད་གླེང་མོལ་ཞུ་གི་རེད།