ལོ་རྒྱུས་ཐོག་བོད་མི་མང་པོས་དབྱར་རྩ་དགུན་འབུ་རྐོ་རྒྱུར་འཛེམས་ཟོན་བྱས་ཡོད་ཀྱང་ད་ཆ་དེའི་རིན་གོང་ཆེ་བའི་རྐྱེན་གྱིས་བོད་ནང་དེ་མི་རྐོ་མཁན་ཆེས་ཉུང་ཉུང་ལས་མེད་པ་ལྟ་བུ་ཆགས་ཡོད་པ་རེད། དབྱར་རྩ་དགུན་འབུ་ཐོན་ཁུངས་ཆེན་པོ་ཡོད་ས་བར་ཁམས་ཁུལ་དང་འགོ་ལོག་གི་ས་ཁུལ་མང་པོའི་མི་རྣམས་ཀྱི་འཚོ་བ་ལ་འདིས་་ཕན་ཐོགས་ཡོད་པ་བརྗོད་མི་དགོས་མོད། འོན་ཀྱང་དེས་ཕུགས་རྒྱང་རིང་པོར་ཁོང་ཚོར་ཕན་ཐོགས་ཡོང་རྒྱུ་འམ་གནོད་ཚེ་ཡོང་རྒྱུ་ཡིན་པ་བརྗོད་ཁག་པོ་ཞིག་ཏུ་གྱུར་ཡོད་པ་སེམས་ཁུར་ཅན་གྱི་བོད་མི་མང་པོས་ངོས་འཛིན་བྱེད་ཀྱི་ཡོད་པ་རེད།