བསོད་ནམས་ཕུན་ཚོགས་ལགས་ནི་བཙན་བྱོལ་ནང་ལྷ་མོའི་སྒྱུ་རྩལ་དང་རྣམ་ཐར་ལ་མཁས་པའི་འཁྲབ་སྟོན་པ་སྙན་གྲགས་ཅན་ཞིག་ཡིན་པ་དང་། ཁོང་ལོ་ན་ཆུང་དུས་ནས་བོད་ཀྱི་ཟློས་གར་ཚོགས་པར་སྒྲིག་ཞུགས་གནང་ནས་སྲོལ་རྒྱུན་འཁྲབ་སྟོན་སྒྱུ་རྩལ་དང་རོལ་ཆ་སོགས་ལ་སློབ་སྦྱོང་མཐར་ཕྱིན་པ་གནང་ཡོད་པ་དང་། ལྷག་པར་ལྷ་མོའི་སྒྱུ་རྩལ་ལ་དམིགས་བཀར་ཐུགས་སྣང་གནང་ཡོད་པ་རེད། དེང་སྐབས་ཁོང་བོད་ཀྱི་ཟློས་གར་ཚོགས་པའི་ལྷ་མོའི་འཁྲབ་གཞུང་དགེ་རྒན་གྱི་ཕྱག་ལས་གནང་བཞིན་ཡོད་པ་རེད།