ཐེངས་འདིའི་ལས་རིམ་ལ་བོད་ཀྱི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་ངོས་འཛིན་གནང་བའི་པཎ་ཆེན་སྐུ་ཕྲེང་༡༡པའི་གནས་སྟངས་དང་། རྒྱ་ནག་གཞུང་གིས་པཎ་ཆེན་ཡང་སྲིད་ལ་ངོས་འཛིན་བྱས་པའི་རྒྱལ་མཚན་ནོར་བུས་མ་འོངས་པར་ལས་འགན་ཅི་ཞིག་འཁུར་རྒྱུ་ཡིན་མིན་སོགས་ལ་བགྲོ་གླེང་བྱེད་རྒྱུ་ཡིན། ལས་རིམ་ལ་འཇི་ཎི་ཝ་ནས་བོད་ཀྱི་རྒྱལ་ཚོགས་ལས་འགུལ་ཁང་གི་འགན་འཛིན་ངག་དབང་ཆོས་འཕེལ་ལགས་དང་། རྒྱ་གར་དྷ་རམ་ས་ལ་ནས་པཎ་ཆེན་སྐུ་ཕྲེང་བཅུ་བའི་རྣམ་ཐར་རྩོམ་པ་པོ་གཙང་ཕྲུག་སྟོབས་ལགས། ཨ་རིའི་ཎིའུ་ཡོཀ་གྲོང་ཁྱེར་ནས་བོད་ཀྱི་ལོ་རྒྱུས་ཉམས་ཞིབ་པ་ཧོར་གཙང་འཇིགས་མེད་ལགས་མཉམ་ཞུགས་བྱེད་ཀྱི་ཡོད།