ཐེངས་འདིའི་ལས་རིམ་ནང་རྒྱ་ནག་གི་དམར་ཤོག་ཚོགས་པའི་ཚོགས་ཆེན་ཐེངས་བཅོ་བརྒྱད་པ་འཚོག་འཆར་ཡོད་པ་དང་། འགོ་ཁྲིད་གསར་པ་ཁག་བསྐོ་འཇོག་བྱེད་ལ་ཉེ་བའི་སྐབས་འདིར་རྒྱ་ནག་གི་ཆབ་སྲིད་དང་བོད་དོན་ལ་ཤུགས་རྐྱེན་ག་རེ་ཐེབས་སྲིད་པའི་ཐད་བགྲོ་གླེང་བྱེད་རྒྱུ་ཡིན། ལས་རིམ་ནང་དུ་ཨ་རིའི་ཝིར་ཇེ་ནེ་ཡ་གཙུག་ལག་སློབ་གྲྭ་ཆེན་མོའི་དཔེ་མཛོད་ཁང་གི་བསྟན་འཛིན་ཐོས་བསམ་ལགས་གདན་འདྲེན་ཞུས་ཡོད། དེ་བཞིན་དུ་འདི་ག་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་རྩོམ་སྒྲིག་འགན་འཛིན་ཚེ་བརྟན་དབང་ཕྱུག་ལགས་གདན་འདྲེན་ཞུས་ཡོད།