ཐེངས་འདིའི་ལས་རིམ་ནང་བོད་ནང་དུ་མི་ཆོས་རིང་ལུགས་ལ་རྡོག་རྫི་བྱས་པ་དང་། ས་བྱི་ལོའི་ཞི་རྒོལ་ཆེན་མོའི་རྗེས་སུ་དྲག་གནོན་བྱས་པ། ད་རུང་ནང་པ་ལ་རུ་བོད་མི་དམར་གསོད་བཏང་བའི་ནག་ཉེས་བཙུགས་ནས་སི་པན་གྱི་ཁྲིམས་ཁང་དུ་རྒྱ་ནག་གི་འགོ་ཁྲིད་ཁག་ཅིག་ལ་ཁ་མཆུ་བཙུགས་ཡོད་པའི་ཐད་བགྲོ་གླེང་བྱེད་རྒྱུ་ཡིན། བགྲོ་གླེང་ལས་རིམ་ནང་དུ་སི་པན་གྱི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་དང་། ཁ་མཆུ་འདིའི་སྔ་གཞུག་གི་ལས་དོན་ཚང་མའི་ནང་འགན་འཁྲི་བཞེས་མཁན་ཨེ་ལན་སན་ཊོ་སི་ལགས་ལ་བཅར་འདྲི་ཞུས་ཡོད།