ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རི་དང་ཉི་ཧོང་། ཧྥེ་ལེ་པིན་གསུམ་མཉམ་འབྲེལ་གྱི་དམ་བཅའ་དང་། ཨ་ཚོགས་དགོན་པ་གནས་སྤོར་དུ་བཅུག་པ་དང་བོད་མི་འཛིན་བཟུང་ཁྲིམས་གཅོད། གཡུང་དྲུང་བོན་གྱི་སྨན་རིའི་སྒྲུབ་ཆེན་དབུ་འཛུགས། ཨི་རན་གྱིས་ཨི་སི་རེལ་ལ་ཡ་ལན་སློག་ཆེད་གཏོར་རྒོལ་གྱི་ཉེན་ཚབས་ཆེ་རུ་འགྲོ་བཞིན་པ་སོགས་ཡོད། ཐེངས་འདིའི་ཆབ་སྲིད་བཙོན་པ་ངོ་སྤྲོད་ཀྱི་ལེ་ཚན་ནང་༡༩༥༩ ལོར་རྒྱལ་སྲུང་དགྲ་རྒོལ་གྱི་དམག་འཐབ་ནང་ཞུགས་ཤིང་ལོ་བཅུ་དགུའི་རིང་བཙོན་འཇུག་བྱས་པའི་བོད་ཀྱི་ཆབ་སྲིད་བཙོན་ཟུར་ལྷུན་གྲུབ་དབང་རྒྱལ་ལགས་ངོ་སྤྲོད་བྱས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་དགའ་ལྡན་ཕོ་བྲང་གི་དྲུང་ཆེ་ཡང་སྟེང་རིན་པོ་ཆེ་དང་ཝ་ཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་ལོ་རྒྱུས་སློབ་དཔོན་བྱམས་པ་བསམ་གཏན་ལགས་རྣམ་གཉིས་གདན་འདྲེན་ཞུས་ནས་སིངྒ་ལའི་དགེ་སློང་ཁག་ཅིག་གིས་ཉེ་ཆར་༧གོང་ས་མཆོག་ལ་ཕུལ་བའི་སངས་རྒྱས་ཀྱི་རིང་བསྲེལ་དེའི་ལོ་རྒྱུས་ཐད་བགྲོ་གླེང་ཞུ་རྒྱུ་ཡིན།།