དབྱིན་ཇིའི་རྒྱལ་སྲས་རྒྱ་ནག་ལ་འཚམས་འདྲིར་ཕེབས་ཉེར་ཡོད་པའི་སྐབས་འདིར་ ཡུལ་དེའི་གྲོས་ཚོགས་ཀྱི་འཐུས་མི་དང་ གསར་འགོད་པ་ལ་སོགས་པ་ སྙན་གྲགས་ཆེ་བའི་མི་སྣ་མང་པོས་རྒྱ་ནག་གི་སྲིད་འཛིན་ཞཱི་ཅིང་ཕིང་ལ་ཡོངས་གྲགས་ཞུ་ཡིག་ཞིག་ཕུལ་ཏེ་ འཛམ་གླིང་གི་ས་ཕྱོགས་གང་ས་དང་ ལྷག་པར་དུ་གླིང་ཆེན་ཨ་ཕྷི་རི་ཀའི་ནང་ཡོད་པའི་གླང་པོ་ཆེ་རྣམས་སྲུང་སྐྱོབ་བྱ་རྒྱུའི་ཆེད་དུ་ རྒྱ་ནག་གི་ནང་ གླང་ཆེན་གྱི་མཆེ་བ་ བ་སོ་ཉོ་ཚོང་མི་ཆོག་པའི་དམ་དྲག་བྱེད་དགོས་པ་ཡིན་ཞེས་ རེ་བ་བཏོན་ཡོད་པ་རེད་