བོད་ཀྱི་བུད་མེད་ལྷན་ཚོགས་ཀྱི་ཚོགས་ཆེན་ཐེངས་ ༡༤ པ་དེ་བཞིན་ཉིན་གྲངས་དྲུག་རིང་འཚོགས་གནང་སྟེ། ཕྱི་ཟླ ༤ ཚེས་ ༢༤ ཚོགས་འདུ་ཉིན་མཐའ་མའི་ཐོག་སྐབས་ ༡༤ པའི་རྒྱུན་ལས་གསར་འདེམས་ཐོག་ནས། དེ་སྔའི་ཚོགས་གཞོན་ཚེ་རིང་སྒྲོལ་མ་ལགས་སྐབས་འདིའི་བུད་མེད་ལྷན་ཚོགས་ཀྱི་ཚོགས་གཙོར་བདམས་ཐོན་བྱུང་།
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་སོག་པོའི་བླ་མའི་དགེ་རྒན་གྱི་གསུང་ཆོས་གོ་སྒྲིག་ཚོགས་ཆུང་གིས་གསོལ་འདེབས་ཞུས་པའི་དགེ་ལྡན་སྙན་བརྒྱུད་མན་ངག་ལས་བྱུང་བའི་བླ་མའི་རྣལ་འབྱོར་དགའ་ལྡན་ལྷ་བརྒྱ་མའི་ཆོས་འབྲེལ་དེ་བཞིན་ཕྱི་ཟླ་ ༤ ཚེས་ ༢༠ ཉིན་བཞུགས་སྒར་དུ་ཐེག་ཆེན་ཆོས་གླིང་གཙུག་ལག་ཁང་དུ་མཇུག་སྒྲིལ་གནང་ཡོད།
བོད་ཀྱི་ལོ་རྒྱུས་སློབ་དཔོན་གསུམ་གྱིས་རྩོམ་སྒྲིག་གནང་བའི་བོད་གཞུང་དགའ་ལྡན་ཕོ་བྲང་སྐོར་གྱི་དཔྱད་རྩོམ་ཕྱོགས་བསྒྲིགས་ཕྱག་དེབ་ཅིག་བོད་ཀྱི་སྲིད་བྱུས་ཉམས་ཞིབ་ཁང་ནས་གོ་སྒྲིག་དང་དཔེ་སྐྲུན་གྱིས་ཕྱི་ཟླ་༤ཚེས་༡༨ ཉིན་ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག་དབུ་བཞུགས་ཐོག་སྲིད་བྱུས་ཉམས་ཞིབ་ཁང་དུ་དབུ་འབྱེད་གནང་སོང་།
བོད་ཀྱི་ཟློས་གར་ཚོགས་པས་གོ་སྒྲིག་འོག་བོད་ཀྱི་ཞོ་སྟོན་རྒྱས་པ་ཐེངས་ ༢༧ དེ་བཞིན་བོད་ཀྱི་ཟློས་གར་དུ་རྒྱ་གར་གྱིས་གཙོས། བལ་ཡུལ། ཨ་རི་བཅས་ནས་ལྷ་མོ་ཚོགས་པ་ཁག་ ༡༣ མཉམ་ཞུགས་ཀྱིས་དེ་རིང་ཕྱི་ཟླ་ ༤ ཚེས་ ༡༠ ཉིན་དངོས་སུ་དབུ་འཛུགས་གནང་སོང་། ལྷ་མོ་ཚོགས་པ་ཁག་གིས་ཚེས་༢༢ བར་ལྷ་གཞུང་ཁག་གཟིགས་འབུལ་གནང་རྒྱུ་ཡིན་པ་རེད་འདུག
༸གོང་ས་མཆོག་དབུ་བཞུགས་ཐོག་ཧ་ཝར་ཊི་གཙུག་ལག་སློབ་ཆེན་གྱི་ཞིབ་འཇུག་སློབ་མ་གཙོ་བོར་གྱུར་བའི་འབྲེལ་ཡོད་དགེ་ལས་དང་། སློབ་ཕྲུག དེ་བཞིན་བོད་པའི་དགེ་བཤེས་ཁག་ཅིག་བཅས་ཀྱིས་ཆེད་དུ་གོ་སྒྲིག་གནང་བའི་འགོ་ཁྲིད་དང་བདེ་སྐྱིད་འཚོལ་ཞིབ་ཀྱི་ཉིན་གྲངས་གཉིས་ཀྱི་ཚོགས་འདུ་དེ་ཕྱི་ཚེས་ ༩ ཉིན་མཇུག་སྒྲིལ་གནང་ཡོད་པ་རེད།
དཔལ་ཞྭ་ལུ་དགོན་གྱི་བླ་སྤྲུལ་དགེ་བཤེས་དང་བསྙེན་མཚམས་པས་གཙོས་པའི་སྐྱ་སེར་ཉིས་བརྒྱ་ལྷག་༧གོང་ས་མཆོག་གི་མཇལ་ཁར་བཅར་ཏེ་མགོན་པོ་གང་ཉིད་ཀྱི་སྐུ་ཚེའི་ཞབས་བརྟན་ཆེད་ཞྭ་ལུ་དགོན་གྱི་ཐུན་མོང་མ་ཡིན་པའི་ཕྱག་སྲོལ་དུས་འཁོར་གྱི་ཐུགས་བསྐྱེད་བསྙེན་མཚམས་ཀྱིས་དུས་འཁོར་གྱི་སྔགས་བྱེ་བ་གཉིས་ལྷག་གསོག་སྒྲུབ་གྲུབ་པ་སྙན་སེང་ཞུས།
༧གོང་ས་མཆོག་ལ་སྟོད་པ་གཞིས་བྱེས་མི་མང་དང་སྤུ་ཧྲེང་མི་མང་ཐུན་མོང་གིས་དེ་རིང་ཕྱི་ཟླ་ ༤ ཚེས་ ༣ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་གླིང་མཆོག་སྤྲུལ་རིན་པོ་ཆེ་མཆོག་གིས་རྡོ་རྗེ་སློབ་དཔོན་མཛད་དེ་སྒྲོལ་དཀར་ཚེ་སྦྱིན་ཡེ་ཤེས་འཁོར་ལོའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས་སོང་།
ཏེ་ལོ་རིན་པོ་ཆེའི་ཆོས་ཚོགས་དང་རུ་སོག་དོན་གཅོད་ལས་ཁུངས་ཀྱིས་གཙོ་འགན་བཞེས་པའི་ཐོག་བོད་མིའི་སྒྲིག་འཛུགས་ཕྱི་དྲིལ་བོད་ཀྱི་སྲིད་བྱུས་ཉམས་ཞིབ་ཁང་གསུམ་ཟུང་འབྲེལ་གྱི་ཐོག་ནས་༼བོད་སོག་འབྲེལ་ལམ་༽ ཞེས། ཉིན་གྲངས་གཉིས་རིང་གི་བགྲོ་གླེང་ཚོགས་འདུ་ཞིག་གངས་སྐྱིད་དཔེ་མཛོད་ཁང་གི་ཚོགས་ཁང་དུ་དབུ་འཛུགས་གནང་སོང་།
དེ་རིང་གི་ཀུན་གླེང་ལས་རིམ་དུ་སྐབས་༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བདུན་པའི་ཐོག་གི་ཁྲིམས་སྒྲིག་བསྐྱར་བཅོས་དང་འབྲེལ་ནས་མ་འོངས་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་གནས་སྟངས་ཇི་ཆགས་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།
སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བདུན་པ་གཙོ་བོ་སྔོན་རྩིས་གྲོས་ཚོགས་དེ་རིང་ཕྱི་ཟླ་ ༣ ཚེས་ ༡༨ ཉིན་ཚོགས་གཙོ་དབུ་བཞུགས་ཀྱི་ཐོག་ནས་འཚོགས་གནང་ཡོད་པ། ཚོགས་གཙོས་དབུ་འཛུགས་གསུང་བཤད་ནང་རྒྱ་ནག་གཞུང་གིས་བོད་རྒྱའི་དཀའ་རྙོག་སེལ་ཐབས་ལ་བསམ་གཞིགས་བྱེད་དགོས་པའི་རེ་འདུན་བཏོན་གནང་སོང་།
སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་གྲོས་ཚོགས་ཚོགས་དུས་དྲུག་པ་དེ་བཞིན་སྔ་ལོའི་ཟླ་བ་དགུ་པའི་ནང་དབུ་འཛུགས་སྐབས་མཇུག་སྐྱོང་མ་ཐུབ་པའི་ལས་རིམ་ལྷག་མ་དེ་ཟླ་འདིའི་ཚེས་ ༡༣ ནས་ལས་ཉིན་བཞིའི་རིང་ཚོགས་ཏེ། དེ་རིང་ཕྱི་ཟླ་༣ ཚེས་༡༦ ཉིན་མཇུག་སྒྲིལ་གནང་སོང་། སྐབས་དེར་ཚོགས་གཙོས་མཇུག་བསྡོམས་ཀྱི་གསུང་བཤད་གནང་།
བོད་མིའི་སྒྲིག་འཛུགས་ཀྱི་སྲིད་སྐྱོང་དང་ནང་སྲིད་བཀའ་བློན་གཅིག་ལྕོགས་སྤེན་པ་ཚེ་རིང་མཆོག་གིས་ནང་སྲིད་ལས་ཁུངས་ཀྱི་ཕྱི་ལོ་ ༢༠༢༢ དང་ ༢༣ ལོའི་ལས་དོན་སྙིང་བསྡུས་སྙན་སྒྲོན་གྲུབ་མཚམས་ནང་སྲིད་ལས་ཁུངས་དང་བཅས་པའི་ལས་བསྡོམས་ཐོག་སྤྱི་ཡོངས་ཀྱི་བགྲོ་གླེང་སྐབས་སྤྱི་འཐུས་རྣམ་པས་བཀའ་འདྲི་གནང་བའི་ནང་།
སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་གྲོས་ཚོགས་ཚོགས་དུས་དྲུག་པའི་མཇུག་སྐྱོང་གི་ལས་དོན་ཚོགས་འདུ་དེ་བཞིན་དེ་རིང་ཕྱི་ཟླ་༣ཚེས་ ༡༣ ཉིན་ཚོགས་གཙོ་སྦྲེལ་པོ་དབུ་བཞུགས་ཐོག་དབུ་འཛུགས་གནང་སོང་། ཚེས་ ༡༨ ནས་སྐབས་བཅུ་བདུན་པའི་གྲོས་ཚོགས་ཚོགས་དུས་བདུན་པ་སྔོན་རྩིས་གྲོས་ཚོགས་དབུ་འཛུགས་གནང་གཏན་འཁེལ་ཡོད་པ་རེད།
དེ་རིང་ནི་བོད་ཀྱི་རྒྱལ་ས་ལྷ་སར་བོད་མི་ཚང་མས་རྒྱ་ནག་གིས་བཙན་འཛུལ་ལ་ཞི་བའི་སྒེར་ལངས་བྱས་ཏེ་མི་ལོ་༦༥ཕྱིན་པའི་ཉིན་མོ་ཡིན་སྟབས། བཙན་བྱོལ་བོད་ཀྱི་བཀའ་སྤྱི་གཉིས་ཀྱིས་དཔའ་བོ་དཔའ་མོ་རྣམས་ལ་རྗེས་དྲན་དང་། དཀའ་སྡུག་མྱོང་བཞིན་པ་རྣམས་ལ་གདུང་སེམས་མཉམ་བསྐྱེད་ཀྱིས་སྒེར་ལངས་ཉིན་མོ་སྲུང་བརྩི་ཞུས་སོང་།
བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་༦༥ པ་བལ་ཡུལ་རྒྱལ་ཁབ་ནང་གཞུང་འབྲེལ་སྲུང་བརྩི་བྱ་རྒྱུར་བཀའ་འཁྲོལ་ཐོབ་མེད་པར་མ་ཟད། བོད་མི་འདུས་སྡོད་ཀྱི་ས་གནས་ཡོངས་སུ་དམག་མི་ཕོན་ཆེན་འགྲེམས་འཇོག་བྱས་ཡོད་པའི་སྐོར་ཀུན་བཟང་བསྟན་འཛིན་ལགས་ཀྱི་སྙན་སྒྲོན་ཞུས་ཡོད།
སྤྱི་ཟླ་༣ པའི་ཚེས་༨ ཉིན། ༧གོང་ས་སྐྱབས་མགོན་ཆེན་པོ་མཆོག་གིས་ནོ་སྦེལ་ཞི་བདེའི་གཟེངས་རྟགས་བཞེས་མཁན་རྒྱ་གར་བ་སྐུ་ཞབས་ཀེ་ལ་ཤ་སཱ་ཏི་ཡར་ཐི་དང་། ཨ་རི་བ་ལྕམ་སྐུ་ཇོ་ཌི་ཝེ་ལེམ་སི་རྣམ་གཉིས་ལ་བཞུགས་སྒར་རྒྱལ་བའི་ཕོ་བྲང་དུ་མཇལ་ཁ་གནང་ཡོད་པའི་སྐོར་འདི་གའི་གསར་འགོད་པ་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུས་ཡོད།
༧གོང་ས་༧སྐྱབས་མགོན་ཆེན་པོ་མཆོག་ནས་བཞུགས་སྒར་རྒྱལ་བའི་ཕོ་བྲང་དུ་དེ་རིང་ཕྱི་ཟླ་ ༣ ཚེས་ ༦ ཉིན། ཕྱི་ལོ་ ༢༠༢༣ ལོར་ཐོན་པའི་དགེ་བཤེས་མ་སྔགས་རམས་བསླབ་པ་མཐར་སོན་བཅུ་ལ་མཇལ་ཁ་སྩལ་གནང་མཛད་ཡོད་ཅིང་། མཇལ་ཁ་དང་འབྲེལ་བའི་སྐོར་ལ་བཙུན་མའི་ལས་འཆར་གྱི་འགན་འཛིན་སྣང་ས་ཆོས་སྒྲོན་ལགས་སུ་བཅར་འདྲི་ཞུས།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་ཆོ་འཕྲུལ་ཟླ་བའི་སྐྱེས་རབས་གསུང་ཆོས་སྔ་རོལ་དུ་རྒྱུད་གྲྭ་སྟོད་སྨད་གཉིས་ཀྱིས་གཙོས་ཕྱོགས་མཐའ་ཁག་གི་དོན་གཉེར་ཅན་ ༥༠༠ ཙམ་ལ་དགེ་ཚུལ་སློང་གི་བསླབ་སྡོམ་འབོགས་སྩོལ་གནང་བཞིན་པའི་སྐོར་བཞུགས་སྒར་ནས་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུ།
བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དེ་རིང་བོད་ཟླ་དང་པོའི་ཚེས་བཅུ་ཉིན་བཞུགས་སྒར་རྒྱལ་བའི་ཕོ་བྲང་དུ་༧གོང་ས་༧སྐྱབས་མགོན་ཆེན་པོ་མཆོག་དབུ་བཞུགས་ཀྱི་སྔར་སྲོལ་གཞུང་འབྲེལ་ཚེས་བཅུ་གཟབ་གསོལ་མཛད་སྒོར་ལྷན་བཞུགས་དང་སྦྲགས། བཀའ་ཤག་གི་ལས་དོན་སྙན་སྒྲོན་ཆེད་༸གོང་ས་མཆོག་གི་གཟིམས་ཆུང་མཇལ་བཅར་ཞུས་ཡོད
ཐེངས་འདིའི་དཔེ་ཀློག་ནང་གཞིས་བཞུགས་རྩོམ་པ་པོ་གདམ་བུ་བསྟན་འཛིན་ལགས་ཀྱིས་རྩོམ་སྒྲིག་གནང་ཞིང་། བོད་ལྗོངས་བོད་ཡིག་དཔེ་རྙིང་དཔེ་སྐྲུན་ཁང་ནས་དཔར་སྐྲུན་གནང་བའི་སྔོན་འགྲོ་ཡིག་ངག་སྦྱོར་བ་དང་ལ་སྟོད་གཞས་རྙིང་ཕྱོགས་བསྒྲིགས་སྒྲ་ལྡན་འཕྲུལ་གྱི་མེ་ལོང་ཞེས་པའི་ནང་དོན་དང་ཁྱད་ཆོས། རིན་ཐང་སོགས་ཀྱི་སྐོར་གླེང་མོལ་ཞུས།
མང་སྣོན།
