ཆབ་སྲིད་བཙོན་པ་ཨ་མ་ཨ་བདེ་ངོ་སྤྲོད། ཕ་ཡུལ་ཉག་རོང་ནས་ཡིན་པ་ཆབ་སྲིད་བཙོན་ཟུར་ཨ་མ་ཨ་བདེ་ལགས་སྤྱི་ལོ་ ༢༠༢༠ ཟླ་༨ཚེས་༣ཉིན་བཞུགས་སྒར་རང་ཁྱིམ་དུ་དགོངས་པ་རྫོགས། ༡༩༥༨ ལོར་རྒྱ་ནག་གཞུང་གིས་བཟུང་སྟེ་ཁྱོན་ལོ་༢༧ ལ་བཙོན་ཁང་དུ་བཅུག ༡༩༨༧ ལོར་བཙན་བྱོལ་དུ་ཕེབས་པའི་སྐོར་ངོ་སྤྲོད་ཞུ་ཡོད།
ཐེངས་འདིའི་ཆབ་སྲིད་བཅོན་པ་ངོ་སྤྲོད་ཀྱི་ལས་རིམ་ནང་དུ་གངས་སྐྱེས་སྒྲུབ་པ་སྐྱབས་སམ། སྨྱུག་མིང་ལ་གངས་མེ་སྟག་ཅེས་པ་དང་ནག་ཆུ་གྲོང་ཁྱེར་འབྲི་རུ་རྫོང་གི་བོད་པ་ཐར་པ་བཀག་ཉར་ཁང་དུ་སྡུག་སྦྱོང་མནར་གཅོད་ཚད་མེད་ཕོག་སྟེ་འདས་གྲོངས་སུ་གྱུར་པ་དང་ལྷ་མོ་བཅས་ངོ་སྤྲོད་ཞུས་ཡོད།།
རྔ་པ་ཀིརྟི་དགོན་པའི་རྩོམ་པ་པོ་གྲྭ་བློ་བཟང་འཇམ་དབྱངས་(སྨྱུག་མིང་ལ་བློ་མིག) ལགས་ཕྱི་ལོ་༢༠༡༥ ཟླ་༤ ཚེས་༡༧ གྱི་མཚན་མོར་རྔ་བ་རྫོང་མཁར་གྱི་སྲང་ལམ་ཞིག་ནས་ཉེན་རྟོག་པས་བཙན་ཁྲིད་བྱས་ཤིང་། ༢༠༡༦ ཟླ་༥ ཚེས་༩ ཉིན་ཟི་ཁྲོན་ཝིན་ཁྲོན་མི་དམངས་ཁྲིམས་ཁང་ནང་གསང་བའི་ཁྲིམས་རྭ་ཚོགས་ནས་ལོ་བདུན་དང་ཟླ་བ་ལྔའི་ཁྲིམས་ཐག་བཅད་འདུག
ད་ལོའི་བོད་ཀྱི་གློག་བརྙན་དུས་སྟོན་དེ་ཕྱི་ཟླ་༡༠ པའི་ཚེས་༨ནས་མགོ་བཙུགས་ཏེ་རྡ་རམ་ས་ལར་ཉིན་གྲངས་གཉིས་ཀྱི་རིང་འཚོག་གི་ཡོད་པ་དང་། དུས་སྟོན་སྐབས་ཁྱོན་བསྡོམས་བོད་ཀྱི་གློག་བརྙན་༢༤ བསྟན་ཡོད་པའི་གྲས་སུ་བོད་ནང་ནས་ཕབ་བསྐྲུན་བྱས་པའི་གློག་བརྙན་གསུམ་ཡོད་པ་རེད།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཕྱི་ལོ་ ༢༠༢༢ ལོའི་ནོ་སྦེལ་ཞི་བདེའི་གཟེངས་རྟགས་ཐོབ་མཁན་ཚོགས་སྒེར་གསུམ་ལ་འདི་ཚེས་༨ ཉིན་འཚམས་འདྲིའི་གསུང་འཕྲིན་ཞིག་སྩལ་གནང་མཛད་ཡོད་པ་རེད། དགའ་ལྡན་ཕོ་བྲང་གི་དྲུང་ཆེ་ཆོས་སྐྱབས་པ་འཆི་མེད་རིག་འཛིན་ལགས་ཀྱིས་ནང་དོན་ངོ་སྤྲོད་གནང་།
བོད་ཀྱི་ཆབ་སྲིད་བཙོན་པ་ཡེ་ཤེས་རྟོགས་ལྡན་ནི་སྤྱི་ལོ་༡༩༨༨ ཟླ་ ༣ པའི་ཚེས་ ༥ ལྷ་སའི་ཆོས་འཕྲུལ་སྨོན་ལམ་ཆེན་མོའི་ཉིན་མཐའ་མའི་ཉིན། དགའ་ལྡན་དགོན་པའི་དགེ་འདུན་པ་བདུན་བཅུ་ལྷག་གིས་བོད་ཀྱི་རྒྱལ་ས་ལྷ་སའི་བར་སྐོར་དུ་ཞི་རྒོལ་སྤེལ་བ་དེའི་ནང་དངོས་སུ་མཉམ་ཞུགས་གནང་ཙང་འཛིན་བཟུང་བྱས་པ་སོགས་ངོ་སྤྲོད།
ཐེངས་འདིའི་ཆབ་སྲིད་བཙོན་པའི་ངོ་སྤྲོད་ལས་རིམ་ནང་བོད་མདོ་སྨད་རྨ་ཆེན་རྫོང་ནས་ཡིན་པའི་བཀྲ་ཤིས་རྒྱལ་ལགས་ཀྱི་ལོ་རྒྱུས་ངོ་སྤྲོད་ཞུས་ཡོད།
སྤྱི་ཟླ་༩ ཚེས་༢༢ ཉིན་བཞུགས་སྒར་དུ་རྟེན་གཞི་བྱས་པའི་འཇམ་དབྱངས་ཤེས་ཡོན་ཞབས་ཞུ་ཁང་གིས་བོད་ཡིག་ཐོག་ཡོད་པའི་བྱིས་པའི་སེམས་ཁམས་དང་འཚམས་པའི་བྱིས་སྒྲུང་དཔེ དེབ་དང་རྩེད་ཆས་ཁག་ཅིག་འཇམ་འབྱངས་བྱིས་པའི་དཔེ་མཛོད་ཁང་དུ་དབུ་འབྱེད་གནང་སོང་། སྐུ་མགྲོན་གཙོ་བོར་བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་ཕེཔས་ཡོད།
བོད་ཀྱི་ཟློས་གར་ཚོགས་པ་དང་བོད་ཀྱི་གཏམ་བརྗོད་ཚན་པ་ཟུང་འབྲེལ་ཐོག་ ༼པཱ་ལགས་༽ ཞེས་པའི་གཏམ་བརྗོད་ཀྱི་གཟིགས་ཕུད་ལས་རིམ་དང་འབྲེལ་བའི་གསར་འགོད་གསལ་བསྒྲགས་སྟེང་གཏམ་བརྗོད་དེ་སྤྱི་ཟླ་༡༠ པའི་ཚེས་༡ ནས་བཞུགས་སྒར་མང་ཚོགས་ལ་གཟིགས་འབུལ་གནང་རྒྱུ་དང་། དེ་རྗེས་བཙན་བྱོལ་བོད་མིའི་ས་གནས་ཁག་ནང་གཟིགས་འབུལ་གནང་རྒྱུ་རེད་འདུག
ཆབ་སྲིད་བཙོན་པའི་ལོ་རྒྱུས་ངོ་སྤྲོད་ནང་བོད་ཀྱི་ཆབ་སྲིད་བཙོན་ཟུར་དང་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོ་ངག་དབང་འོད་འབར་ལགས་སུ་འབྲས་སྤུངས་དགོན་པའི་དགེ་འདུན་པ་ཁག་ཅིག་གིས་མུ་མཐུད་བོད་དོན་ལས་འགུལ་སྣ་མང་སྤེལ་ཡོད་པ་དང་། ་སྐབས་དེའི་ཞི་རྒོལ་གྱི་ཞིབ་ཕྲའི་གནས་ཚུལ་ཁག་ངོ་སྤྲོད་གནང་བ་ལ་གསན་རོགས་གནང་།
རྫ་སྟོད་ནས་ཡིན་པའི་དྲྭ་ལམ་རྩོམ་བྲིས་པ་ཟླ་བ་མཚོ་མོ་ལགས་རྒྱ་ནག་གིས་༢༠༡༤ལོར་འཇུ་བཟུང་བཙོན་འཇུག་དང་། ཡང་རྔ་བ་ནས་ཡིན་པའི་འོད་དཀར་སྐྱིད་ལགས་ཕྱི་ལོ་ ༢༠༡༥ ལོར་བོད་ལ་རང་དབང་དགོས་སོགས་ཁྲོམ་སྐོར་སྐད་འབོད་བྱས་རྗེས་བཙོན་འཇུག་བྱས་པའི་སྐོར་སྐལ་བཟང་འཇིགས་མེད་ལགས་ཀྱིས་སྙན་སྒྲོན་གནང་གི་རེད།།
བོད་ཀྱི་ཆབ་སྲིད་བཙོན་པ་ངོ་སྤྲོད་ཀྱི་ལེ་ཚན་ནང་ཆབ་སྲིད་བཙོན་ཟུར་ཞིང་གཤེགས་དམ་པ་གཡུ་ལོ་ཟླ་བ་ཚེ་རིང་མཆོག་གི་ལོ་རྒྱུས་ངོ་སྤྲོད་བྱས་ཡོད། ཁོང་ནི་ལོ་༣༡ རིང་རྒྱ་ནག་གི་བཙོན་ཁང་དུ་བཅུག་པ་དང་། ལྷད་མེད་གཡུ་ལོའི་རྔུལ་ཐིགས་ཞེས་པའི་རང་རྣམ་བརྩམས་ཡོད། སྤྱི་ལོ་༢༠༠༢ ཟླ་༡ ཚེས ༡༦ ཉིན་བོད་ཀྱི་རྒྱལ་ས་ལྷ་སར་དགོངས་པ་རྫོགས།
བོད་ཀྱི་ཆབ་སྲིད་བཙོན་ཟུར་དགེ་ཤེས་ངག་དབང་དགེ་ལེགས་ལགས་ནི་༡༩༨༩ ཟླ་ ༩ པའི་ཚེས་༢༧ ཉིན་བོད་ཀྱི་རྒྱལ་ས་ལྷ་སའི་བར་སྐོར་ནང་འབྲས་སྤུང་དགོན་པའི་དགེ་འདུན་པ་༢༢ ཀྱིས་ཞི་བའི་ཁྲོམ་སྐོར་གྱི་ལས་འགུལ་སྤེལ་བའི་ནང་མཉམ་ཞུགས་གནང་བས། རྒྱ་གཞུང་གི་བཙོན་དུ་ཚུད་པ་དང་། ༡༩༩༢ ལོར་རྒྱ་གར་དུ་བཙན་བྱོལ་དུ་ཕེབས།
བོད་ཀྱི་ཆབ་སྲིད་བཙོན་ཟུར་ཞིང་གཤེགས་དམ་པ་དཀར་མཛེས་དགེ་བཤེས་བསོད་ནམས་ཕུན་ཚོགས་ལགས། ཇི་ལྟར་བཙོན་འཇུག་བྱས་སྟངས་དང་དཀའ་སྡུག་ག་འདྲ་མྱངས་སྟངས་སོགས་ཀྱི་ལོ་རྒྱུས་ལ་རྗེས་དྲན་ཞུས་པ་དེ་གསན་རོགས་གནང།
བོད་ཀྱི་ཆབ་སྲིད་བཙོན་ཟུར་དགེ་འདུན་རིན་ཆེན་ལགས་བོད་དུ་བཞུགས་པའི་སྐབས་རྒྱ་ནག་གཞུང་གིས་ཐབས་ཤེས་ཡོད་དགུ་རྩལ་སྤྲུག་ལ་བརྟེན་ནས་བོད་ཕྱི་ནང་གཉིས་ཀྱི་བོད་མིའི་མཐུན་སྒྲིལ་མེད་པ་བཟོ་བར་འབད་རྩོལ་ཇི་ལྟར་བྱེད་ཀྱི་ཡོད་པའི་སྐོར་སྐལ་བཟང་འཇིགས་མེད་ལགས་ཀྱིས་སྙན་སྒྲོན་ཞུ་ཡི་རེད།།
བོད་ཀྱི་ཆབ་སྲིད་བཙོན་པ་གྲགས་ཅན་དགེ་འདུན་རིན་ཆེན་ལགས་རྒྱ་ནག་གཞུང་གི་བཙོན་ཁང་ནས་བཙོན་གྲོལ་ཐོབ་སྟེ་ད་བར་མི་ལོ་༢༩ ལྷག་ཕྱིན། ཁོང་གིས་ཐེངས་དང་པོར་འདི་ག་རླུང་འཕྲིན་ཁང་བརྒྱུད་ནས་རྒྱ་གཞུང་གིས་ཁོང་བཙོན་འཇུག་བྱས་ཚུལ་དང་། བོད་ནང་དུ་རང་བཙན་གྱི་ལས་འགུལ་ནང་མཉམ་ཞུགས་གནང་ཚུལ་ཞིབ་ཕྲའི་ཐོག་ངོ་སྤྲོད་གནང་བྱུང་།
དེ་རིང་གི་བོད་ཀྱི་ཆབ་སྲིད་བཙོན་པ་ངོ་སྤྲོད་ལེ་ཚན་ནང་ཆབ་སྲིད་བཙོན་པ་ལྷུན་གྲུབ་རྡོ་རྗེ་དང་རིན་ཆེན་ཚུལ་ཁྲིམས་གཉིས་ངོ་སྤྲོད་བྱས་ཡོད། ཁོང་གཉིས་ནི་སྤྱི་ཚོགས་དྲ་ལམ་སྟེང་བོད་ཀྱི་ཆབ་སྲིད་དང་འབྲེལ་བའི་གནས་ཚུལ་སྤེལ་བར་བརྟེན་འཛིན་བཟུང་དང་བཙོན་འཇུག་ཁྲིམས་ཐག་བཅད་པ་རེད།
བོད་ཀྱི་ཆབ་སྲིད་བཙོན་པ་ངོ་སྤྲོད། ཕྱི་ལོ་ ༢༠༡༥ ལོར་༧གོང་ས་༧སྐྱབས་མགོན་ཆེན་པོ་མཆོག་གི་སྐུའི་གྱ་སྟོན་སྲུང་བརྩི་བྱས་པའི་ཉེས་མིང་འོག་རྒྱ་ནག་གཞུང་གིས་རྔ་བ་ཁུལ་གྱི་གྲྭ་འབྲུག་སྒྲ་སོགས་བོད་མི་དགུ་འཛིན་བཟུང་བཙོན་འཇུག་བྱས་པ་རྣམས་ངོ་སྤྲོད་བྱས་ཡོད།
དགུང་ལོ་༥༠ བརྒལ་བའི་སྨན་པ་མུ་ར་མཁས་གྲུབ་ལགས་སྤྱི་ལོ་༢༠༡༦།༡༢།༡༣ ཉིན་འཛིན་བཟུང་དང་། ༢༠༡༧།༡།༢༡ ཉིན་གློད་གྲོལ་བཏང་ནའང་ལོ་དེའི་སྤྱི་ཟླ་༢ ཚེས་༢༧ ཉིན་ཀན་ལྷོ་ཁུལ་རྨ་ཆུ་རྫོང་འཐབ་ཕྱོགས་གཅིག་གྱུར་ཁང་ཟེར་བའི་མི་སྣ་ཡོང་སྟེ་གཟིམ་ཤག་ནས་བཙན་ཁྲིད་བྱས། སྔ་ཕྱིར་ཁྱོན་ལོ་གཉིས་དང་ཟླ་བརྒྱད་རིང་བཙོན་འཇུག་བཀག་ཉར་བྱས།
ནག་ཆུ་ཁུལ་ནས་ཡིན་པའི་ཁོར་ཡུག་དང་རིག་གཞུང་སྲུང་སྐྱོབ་ཀྱི་ལས་འགུལ་བ་དང་ཚོང་པ་བསྟན་འཛིན་ཆོས་འཕེལ་ལགས། སྤྱི་ལོ་༢༠༡༨ ཟླ་༣ པའི་ནང་ལྷ་ས་གོང་དཀར་གནམ་ཐང་ནས་འཛིན་བཟུང་བྱས་ཤིང་། རྒྱ་ནག་གཞུང་གིས་བསྟན་འཛིན་ཆོས་འཕེལ་ལགས་ལ་མི་ལོ་བཅོ་བརྒྱད་རིང་བཙོན་འཇུག་གི་ཁྲིམས་ཐག་བཅད་ཡོད་པ་ཉེ་ཆར་གཞི་ནས་ཤེས་རྟོགས་བྱུང་ཡོད།
མང་སྣོན།
