བོད་མདོ་སྨད་མགོ་ལོག་རྭ་རྒྱ་གངས་ལྗོངས་ཤེས་རིག་ནོར་བུའི་སློབ་གླིང་སྒོ་བརྒྱབ་པར་གདུང་སེམས་མཉམ་བསྐྱེད་ཆེད་རྡ་རམ་ས་ལར་རྟེན་གཞི་བྱས་པའི་ཆོལ་ཁ་གསུམ་གྱི་སྒྲིག་འཛུགས་དང་གཞུང་འབྲེལ་མ་ཡིན་པའི་ཚོགས་པ་ཆེ་ཁག་ལྔ་ཐུན་མོང་གིས་ཕྱི་ཟླ་༧ ཚེས་༡༧ རྒྱལ་སྤྱིའི་དྲང་བདེན་ཉིན་མོ་དང་སྟབས་བསྟུན་མར་མེའི་ཁྲོམ་སྐོར་ཞིག་གནང་སོང་།
བོད་རང་བཙན་ཚོགས་ཆེན་ཐེངས་བདུན་པ་ཚེས་༣ནས་༡༥ བར་ཉིན་གསུམ་རིང་ཁེ་ན་ཊའི་གྲོང་ཁྱེར་ ཁྲོ་རོན་ཁྲོའི་རྟེན་གཞི་བྱས་པའི་གངས་ལྗོངས་ཆོས་ལྡན་གླིང་དུ་འཚོགས་བཞིན་ཡོད་པ་དང་། ཚོགས་ཆེན་གྱི་སྐུ་མགྲོན་དུ་བོད་མི་མང་སྤྱི་འཐུས་ཁག་ཅིག་དང་། ཁེ་ན་ཊའི་གྲོས་ཚོགས་འཐུས་མི། གཞན་རང་བཙན་ལས་འགུལ་བ་བགྲེས་གྲས་ཁག་ཅིག་བཅས་གདན་ཞུ་གནང་།
ཟླ་བ༧ ཚེས་ ༡༢ ཉིན་གངས་སྐྱིད་བོད་ཀྱི་དཔེ་མཛོད་ཁང་གི་ཚོགས་ཁང་དུ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པ་ཁོང་རྒྱ་ནག་གི་བཙོན་ཁང་དུ་སྐུ་གཤེགས་ནས་མི་ལོ་༩ ཕྱིན་པའི་རྗེས་དྲན་དང་སྦྲགས། ཁོང་གི་ལོ་རྒྱུས་གསལ་བའི་དཔེ་དེབ་ཅིག་དབུ་འབྱེད་གནང་ཡོད་པའི་སྐོར་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུས་ཡོད།
སྲིད་སྐྱོང་སྤེན་པ་ཚེ་རིང་མཆོག་གིས་ཟླ་བ་༧ ཚེས་༡༠ ཡི་ཉིན་ལ་དྭགས་བྱང་ཐང་ཉོ་མའི་བོད་མི་རྣམས་དང་མཇལ་འཕྲད་ཀྱིས་གསུངས་བཤད་གནང་སྐབས། བོད་དོན་ཁྲིམས་འཆར་དེ་བཞིན་ད་ལྟ་ཕོ་བྲང་དཀར་པོར་ཕུལ་གྲུབ་ཡོད་སྐོར་གསུངས་ཡོད་པའི་སྐོར་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུས་ཡོད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་ཕྱི་ལུགས་ལྟར་དགུང་གྲངས་༨༩ ཕེབས་པར་བཞུགས་སྒར་དྷ་རམ་ས་ལ་དང་། རྒྱ་གར་ལྷོ་ཕྱོགས། བལ་ཡུལ། ཨ་རིའི་ནེའུ་ཡོག ཧྥ་རན་སི་སོགས་སུ་འཁྲུངས་སྐར་གཟབ་རྒྱས་ཞུས་པ་དང་། སྲིད་བློན་མོ་དྷི་སོགས་ཀྱིས་༧གོང་ས་མཆོག་ལ་འཚམས་འཕྲིན་གནང་བ་སོགས་ཡོད།
བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱིས་གོ་སྒྲིག་གནང་བའི་རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་ཐེངས་གཉིས་པ་དེ་བཞུགས་སྒར་རྡ་རམ་ས་ལའི་ཉེ་འདབས་སུ་ཉིན་གྲངས་གསུམ་རིང་ཚོགས་གནང་སྟེ། ཕྱི་ཟླ་ ༧ ཚེས་ ༥ ཉིན་མཇུག་སྒྲིལ་གནང་སོང་ལ། བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་ནས་གསུང་བཤད་གནང་།
ཐེངས་འདིར་དགེ་སློང་ཐུབ་བསྟན་ངག་དབང་ལགས་ཀྱིས་བསྡུ་སྒྲིག་བྱས་པའི་འཕགས་མཆོག་ཝ་ཏི་བཟང་པོའི་དཔེ་རྙིང་ཕྱོགས་བསྡུས་པད་དཀར་ཆུན་པོའི་བརྗོད་བྱ་དང་ཇོ་བོ་ཝ་ཏི་བཟང་པོའི་བྱུང་རབས། ཇོ་བོ་བོད་གངས་ཅན་པའི་རྟེན་སྐལ་དུ་གྱུར་ཚུལ་དང་སྒོས་སུ་རྒྱལ་དབང་སྐུ་ཕྲེང་རིམ་བྱོན་གྱི་འབྲེལ་བ་སོགས་ཀྱི་ཐད་ལ་བགྲོ་གླེང་ཞུ་རྒྱུ་ཡིན།
བོད་མིའི་ཚོང་ལས་བདེ་ཚོགས་ཀྱི་ལོ་འཁོར་ཚོགས་ཆེན་ཐེངས་ ༡༧ པ་དེ་ཕྱི་ཟླ་༧ ཚེས་༣ ཉིན་བོད་མིའི་སྒྲིག་འཛུགས་ཀྱི་དཔལ་འབྱོར་དྲུང་ཆེ་ཚེ་རིང་དོན་གྲུབ་ལགས་གཙོ་བཞུགས་ཀྱིས་བཞུགས་སྒར་རྡ་རམ་ས་ལའི་ས་གནས་འགོ་འཛིན་ཚོགས་ཁང་དུ་ཚོགས་གནང་ཡོད་པའི་སྐོར་འཇམ་དབྱངས་རྒྱ་མཚོ་ལགས་ཀྱིས་གནས་ཚུལ་སྙན་སྒྲོན་ཞུས་གནང་བ་འདིར་གསལ།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་གྲོས་ཚོགས་འཐུས་མིའི་སྐུ་ཚབ་ཚོགས་ཆུང་ཞིག་བཞུགས་སྒར་དུ་ཕེབས་རྒྱུ་དང་། སྲིད་སྐྱོང་མཆོག་གིས་ཨ་རིའི་མང་གཙོ་ཐེབས་རྩ་ཁང་གི་གཟེངས་རྟགས་བཞེས་རྗེས་ཕྱིར་བཞུགས་སྒར་དུ་ཕེབས་པ། ཨ་ཕ་གསེར་གྱི་རྐང་སྤོལ་འགྲན་བསྡུར་འགོ་བཙུགས་གནང་བ་སོགས་ཡོད།
བོད་མིའི་སྒྲིག་འཛུགས་ཀྱི་ལས་བྱེད་ཟུར་པ་དང་། འགྲོ་ཕན་བོད་ཀྱི་སྨན་རྩིས་ཁང་། སྐུ་སྲུང་ཟུར་པའི་མཐུན་གྲོགས་བཅས་ཐུན་མོང་ནས་ཕྱི་ཟླ་ ༦ ཚེས་ ༡༡ ཉིན་ཐེག་ཆེན་ཆོས་གླིང་གཙུག་ལག་ཁང་དུ་བརྟན་བཞུགས་བསྟར་འབུལ་ཞུས་ཡོད་པའི་སྐོར་
༧གོང་ས་༧སྐྱབས་མགོན་ཆེན་པོ་མཆོག་ལ་བོད་མིའི་སྒྲིག་འཛུགས་ཀྱི་ལས་བྱེད་ཟུར་པ་དང་། འགྲོ་ཕན་བོད་ཀྱི་སྨན་རྩིས་ཁང་། སྐུ་སྲུང་ཟུར་པའི་མཐུན་གྲོགས་བཅས་ཐུན་མོང་ནས་ཇི་ལྟར་གསོལ་བ་བཏབ་པ་ལྟར། དེ་རིང་ཕྱི་ཟླ་༦ ཚེས་ ༡༡ ཉིན་ཐེག་ཆེན་ཆོས་གླིང་གཙུག་ལག་ཁང་དུ་སྒྲོལ་དཀར་ཡེ་ཤེས་འཁོར་ལོའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས།
བཀའ་ཟུར་བཀྲ་ཤིས་དབང་འདུས་ལགས་ཀྱིས་དབྱིན་ཡིག་ཐོག་བརྩམས་གནང་བའི་ཁོང་རང་ཉིད་ཀྱི་སྐུ་ཚེའི་ལོ་རྒྱུས་ ''ངའི་མི་ཚེ། བོད་རང་དབང་ལུང་པར་སྐྱེས། བཙན་བྱོལ་ནང་སྲི་ཞུ་བསྒྲུབས། " ཞེས་པའི་དཔེ་དེབ་ཅིག་རྡ་ས་བོད་ཀྱི་དཔེ་མཛོད་ཁང་གིས་དཔེ་སྐྲུན་གྱིས་དེ་རིང་ཕྱི་ཟླ་ ༦ ཚེས་ ༧ ཉིན་དཔེ་མཛོད་ཚོགས་ཁང་དུ་དབུ་འབྱེད་གནང་སོང་།
བོད་མིའི་སྒྲིག་འཛུགས་ཀྱི་བསྟི་གནས་གངས་ཅན་སྐྱིད་གཤོངས་ཕྱི་དྲིལ་བོད་ཀྱི་འགྲེམས་སྟོན་ཁང་དུ་རང་བྱོན་འཕགས་མཆོག་ཝ་ཏི་བཟང་པོའི་རྣམ་ཐར་ཞེས་པའི་བརྗོད་གཞིའི་ཐོག་སྐྱིད་གྲོང་ཇོ་བོའམ། ཇོ་བོ་ཝ་ཏི་བཟང་པོ། དེ་བཞིན་དེ་སྔ་ཇོ་བོའི་བཞུགས་གནས་འཕགས་པ་ལྷ་ཁང་དང་འབྲེལ་བའི་གནའ་རྫས་ ༡༩ ཙམ་བཤམས་སྟོན་གནང་ཡོད།
ཕྱི་ཟླ་༥ ཚེས་༡༧ ཉིན་རྒྱ་གར་ལྷོ་ཕྱོཊ་སྦེལ་ཀོབ་དང་ཧུན་སུར་རབ་རྒྱས་གླིང་ཀོ་ལི་གྷལ་དོན་ལྡན་གླིང་བཅས་ཀྱི་ཚོགས་པ་ཁག་གིས་གོ་སྒྲིག་འོག པཎ་ཆེན་བཅུ་གཅིག་པ་མཆོག་དང་ནང་མི་སྐུ་འཁོར་བྱ་བྲལ་རིན་པོ་ཆེ་བཅས་བོད་ཀྱི་ཆབ་སྲིད་བཙོན་པ་ཡོངས་རྒྱ་གཞུང་གིས་འཕྲལ་དུ་གློད་གྲོལ་གཏོང་དགོས་པའི་ལས་འགུལ་སྤེལ་ཡོད་པའི་སྐོར་འདིར་གསལ།
འཇམ་དབྱངས་རྒྱ་མཚོ་ལགས་ཀྱིས་༧གོང་ས་མཆོག་གིས་ཕྱི་ལོ་ ༡༩༦༩ ལོར་ཕྱག་བཏབ་པའི་ཐེག་ཆེན་ཆོས་གླིང་གཙུག་ལག་ཁང་དབུ་འབྱེད་མཛད་དེ་མི་ལོ་ ༥༥ འཁོར་བའི་དུས་ཚིགས་དང་བསྟུན། ཐེག་ཆེན་ཆོས་གླིང་གཙུག་ལག་ཁང་གི་འཛུགས་སྐྲུན་གྱི་འཕེལ་རིམ་དང་ལོ་རྒྱུས་གལ་གནད་སོགས་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།
༧གོང་ས་༧སྐྱབས་མགོན་ཆེན་པོ་མཆོག་ལ་རྒྱ་གར་གྱི་སྲིད་བློན་དམ་པ་ནཱ་རཱ་སིམ་ཧ་མཆོག་གི་རྗེས་དྲན་གཟེངས་རྟགས་ PV Narasimha Rao Memorial Award ཞེས་པ་དེ་སྲིད་བློན་དམ་པའི་རྗེས་དྲན་ཐེབས་རྩའི་སྐུ་ཚབ་ཚོགས་ཆུང་གིས་ཕྱི་ཟླ་ ༥ ཚེས་ ༨ ཉིན་བཞུགས་སྒར་རྒྱལ་བའི་ཕོ་བྲང་དུ་འབུལ་ལམ་ཞུས་གནང་ཡོད་པ་རེད།
བོད་ཀྱི་སྐད་ཡིག་མི་ཉམས་གོང་འཕེལ་དང་ཉམས་པ་སླར་གསོ་ཆེད་རྒྱ་བལ་འབྲུག་གསུམ་ནས་བོད་སྐད་ཡིག་དགེ་རྒན་དང་། ཡིག་བསྒྱུར་བ། དམིགས་བསལ་བོད་སྐད་དོན་གཉེར་བ་སོགས་ཚོགས་བཅར་བ་ཉི་ཤུ་རྩ་བཞི་ལྷན་འཛོམས་ཀྱིས་བོད་ཀྱི་སྐད་ཡིག་སྲུང་སྐྱོབ་དང་དར་འཕེལ་སྐོར་བགྲོ་གླེང་ཞེས་ཚོགས་འདུ་ཞིག་ཕྱི་ཟླ་ ༥ ཚེས་ ༢ ནས་དབུ་འཛུགས་གནང་སོང་།
བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་ཧྥ་རན་སིའི་སྲིད་འཛིན་དང་མཇལ་འཕྲད་གནང་ཡོད་པ་དེ་བཞིན་བོད་མིའི་རྩ་དོན་འཐབ་རྩོད་ཐད་ལ་ཁྱད་པར་ཆེན་པོ་ཞིག་དང་། དམིགས་བསལ་རྒྱ་ནག་གཞུང་ལ་བརྡ་ལན་ངེས་ཅན་ཞིག་འགྲོ་རྒྱུ་ཡིན་པ་སོགས་བཞུགས་སྒར་དུ་རྟེན་གཞི་བྱས་པའི་གཞུང་འབྲེལ་མ་ཡིན་པའི་ཚོགས་པ་ཁག་གིས་བརྗོད་ཡོད།
དཔེ་ཀློག་ལེ་ཚན་ནང་ཨཱཙཱ་རྱ་བསྟན་འཛིན་བསྟན་སྐྱོང་ལགས་དང་འབུམ་རམས་པ་བློ་བཟང་བསྟན་པ་ལགས་རྣམ་གཉིས་ཀྱིས་བོད་བསྒྱུར་གནང་བའི་དཔེ་དེབ། བོད་ཡིག་དེབ་ཐེར་ཁག་ཏུ་གསལ་བའི་གནའ་བོའི་མོན་ཡུལ་གྱི་ལོ་རྒྱུས་དང་། བོད་མོན་འབྲུག་གསུམ་གྱི་འབྲེལ་བར་དཔྱད་པ་ཞེས་པའི་དེབ་དེའི་ནང་དོན་དང་འབྲེལ་བའི་སྐོར་ལ་གླེང་མོལ་ཞུས་པ་ཡིན།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་ཕྱི་ཟླ་༤ ཚེས་༢༥ ཉིན་ཀུན་གཟིགས་པཎ་ཆེན་སྐུ་ཕྲེང་ ༡༡ པ་མཆོག་དགུང་གྲངས་ ༣༥ ཕེབས་པའི་སྐུའི་འཁྲུངས་སྐར་ཐོག་གི་སྐུ་མགྲོན་ཨེ་སི་ཐོ་ནི་ཡའི་གྲོས་ཚོགས་འཐུས་མིའི་སྐུ་ཚབ་ཚོགས་ཆུང་དང་ལྷན་དུ་བཞུགས་སྒར་རྒྱལ་བའི་ཕོ་བྲང་དུ་མཇལ་མོལ་གནང་ཡོད་པ་རེད།
མང་སྣོན།