༧གོང་ས་༧རྒྱལ་བ་རིན་པོ་ཆེ་མཆོག་ལ་ཨ་རིའི་ཧ་ཝར་ཌིའི་གཙུག་ལག་སློབ་གྲྭ་ཆེན་མོའི་དགེ་རྒན་ཆེན་མོ་ཨར་ཐུར་བྷུ་རུག་ལཊ་ཀྱིས་སྣེ་ཁྲིད་པའི་འགོ་ཁྲིད་ཁག་ཅིག་གིས་ཇི་ལྟར་གསོལ་འདེབས་ཞུས་པ་བཞིན་མགོན་པོ་མཆོག་བདེ་སྐྱིད་ཀྱི་ཚོར་བ་ཞེས་པའི་ཚོགས་འདུར་དབུ་ཞུཊ་གནང་ཡོད་པའི་སྐོར་བསྟན་འཛིན་དབང་འདུས་ལཊ་ཀྱིས་སྙན་སྒྲོན་ཞུས་ཡོད།
ད་རེས་ཁ་བའི་མི་སྣའི་ལེ་ཚན་ནང་རྒྱལ་དབང་སྐུ་ཕྲེང་བཅུ་གསུམ་པ་མཆོག་གི་བླ་སྨན་མཁྱེན་རབ་ནོར་བུའི་སྐུ་ཚེའི་བྱུང་བ་ངོ་སྤྲོད་དང་། ཁོང་གི་མཛད་རྗེས་གྲགས་ཆེ་བ་གང་དང་གང་བྱུང་ཡོད་པའི་སྐོར་ལ་བོད་ཀྱི་སྨན་རྩིས་ཁང་གི་སྨན་པ་བསྟན་འཛིན་ལུང་རྟོགས་ལགས་དང་ལྷན་དུ་གླེང་མོལ་ཞུས་པ་ཞིག་ཡིན་ནོ།།
རྒྱལ་དབང་སྐུ་ཕྲེང་བཅུ་གསུམ་པ་ཆེན་པོ་མཆོག་གིས་བོད་རང་བཙན་རྒྱལ་ཁབ་ཡིན་པ་སླར་ཡང་གསལ་བསྒྲགས་བསྐྱངས་ནས་ལོ་༡༡༠ འཁོར་བའི་ཉིན་མོ་དེ་བཞིན་བོད་རང་བཙན་སློབ་ཕྲུག་ཚོགས་པའི་གོ་སྒྲིག་འོག་བོད་ཀྱི་རྒྱལ་དར་དང་དབོན་ཞང་རྡོ་རིང་ཐོག་ཏུ་བརྐོས་པའི་འབྲུ་དོན་སོགས་ཁྱེར་ཏེ་དྲན་གསོའི་ཆེད་འགྱིང་འགྲོས་ཀྱིས་གོ་རྟོགས་སྤེལ་གནང་སོང་།
བོད་ནང་རྒྱ་ནག་གཞུང་གིས་བོད་མི་ཚོའི་ཁྲག་ལེན་རིགས་རྫས་བསྡུ་རུབ་བྱེད་བཞིན་པ་དེ་མཚམས་འཇོག་དང་། ཐཱར་མོ་ཧྥི་ཤར་བཟོ་ལས་ཁང་གིས་ཁྲག་ལེན་རིགས་རྫས་བསྡུ་རུབ་ལ་མཁོ་བའི་ཡོ་ཆས་ཚོང་གཉེར་མཚམས་འཇོག་ཆེད། བོད་ཀྱི་གཞུང་འབྲེལ་མ་ཡིན་པའི་ཚོགས་པ་བཞི་ཡིས་པར་རིས་འགྲེམས་སྟོན་དང་མཚན་རྟགས་བསྡུ་རུབ་ཀྱི་ལས་འགུལ་སྤེལ་བའི་སྐོར།
རྒྱ་གར་མི་སེར་རྒྱལ་ཁབ་དབུ་བརྙེས་ནས་ལོ་ངོ་༧༤ འཁོར་བའི་དུས་ཆེན་དེ་བོད་མིའི་སྒྲིག་འཛུགས་ཀྱི་སྲིད་སྐྱོང་གཙོས་པའི་མང་གཙོའི་ཀ་བ་གསུམ་གྱི་མཛད་གཙོ་རྣམས་ལྷན་འཛོགས་ཐོག་གངས་སྐྱིད་སྲི་བཟློག་མཆོད་རྟེན་མདུན་ཐང་དུ་སྲུང་བརྩི་ཞུས་པ་དང་། སྲིད་སྐྱོང་གིས་རྒྱ་གར་གཞུང་མང་གཉིས་ལ་དགའ་བསུའི་འཚམས་འདྲི་ཞུས་གནང་།
ཐེངས་འདིའི་ཨ་རིའི་རླུང་འཕྲིན་ཁང་གི་དཔེ་ཀློག་ལེ་ཚན་ལ་ཉེ་ལམ་བོད་སྨྱུག་དཔེ་སྐྲུན་ཁང་ནས་དཔར་དུ་བསྐྲུན་པའི་ཨ་རིའི་རྩོམ་པ་པོ་གྲགས་ཅན་ཇཱོན་སི་ཊེན་བྷེག་གིས་བརྩམས་པའི་མུ་ཏིག་ཅེས་པའི་བརྩམས་སྒྲུང་གི་བརྗོད་བྱ་དང་ཁྱད་ཆོས་བཅས་ལ་བོད་འགྱུར་གྱི་ལོ་ཙཱ་བ་དཀོན་མཆོག་རབ་བརྟན་ལ་བཅར་འདྲི་ཞུས་ཡོད།།
བོད་མིའི་སྒྲིག་འཛུགས་ཀྱིས་བཞུགས་སྒར་གྱི་ཉེ་འཁྲིས་སུ་བཙན་བྱོལ་ནང་བོད་མི་བརྡ་འཕྲིན་འཕྲུལ་ལས་ཆེད་ལས་པའི་ཚོགས་འདུ་ཐེངས་དང་པོ་དེ་སྐོང་འཚོགས་གནང་སོང་ལ། སྲིད་སྐྱོང་སྤེན་པ་ཚེ་རིང་གིས་མ་འོངས་སྒྲིག་འཛུགས་ཀྱི་འཛིན་སྐྱོང་བྱེད་སྟངས་ནི་འཕྲུལ་རིག་གི་ཐོག་ནས་འཛམ་བུ་གླིང་གི་རྗེས་ཟིན་པ་དགོས་རྒྱུ་གལ་ཆེ་ཡིན་པ་གསུངས་ཡོད།
༸གོང་ས་མཆོག་ལ་ནོ་བྷེལ་ཞི་བདེའི་གཟེངས་རྟགས་འབུལ་བཞེས་མཛད་ནས་མི་ལོ་༣༣ འཁོར་བའི་གཞུང་འབྲེལ་གྱི་མཛད་སྒོ་ཚེས་༡༠ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་འཚོགས་གནང་བ་དང་། མཛད་སྒོའི་ཐོག་རྒྱ་གར་གྲོས་ཚོགས་འོག་མའི་འཐུས་མི་འཇམ་དབྱངས་ཚེ་རིང་རྣམ་རྒྱལ་ལགས་དང་གྲོས་ཚོགས་གོང་མའི་འཐུས་མི་སོགས་ཕེབས་ཡོད།
སམ་བྷོ་ཊ་བོད་སློབ་ཚོགས་པའི་ཁྱབ་ཁོངས་སློབ་གྲྭ་ཁག་གི་ལོ་འཁོར་འགན་འཛིན་ཚོགས་དུས་ཐེངས་༡༥པ་འདི་བཞིན་འདི་ཚེས་༢༨ཉིན་བཞུགས་སྒར་རྡ་རམ་ས་ལའི་ཉེ་འཁྲིས་སུ་རྟེན་གཞི་བྱས་པའི་དབུས་སྣེ་ལེན་ཁང་དུ་འཚོག་བཞིན་ཡོད་པའི་སྐོར་བཞུགས་སྒར་ནས་འདི་གའི་གསར་འགོད་པ་བསྟན་འཛིན་དབང་བསྡུས་ལགས་ཀྱིས་བཏང་གནང་བའི་གནས་ཚུལ་གཤམ་གསལ།
ཨི་ཇེབ་ཏུ་ཚོགས་བཞིན་པའི་འཛམ་གླིང་མཉམ་འབྲེལ་རྒྱལ་ཚོགས་ཀྱི་གོ་ལའི་ཁོར་ཡུག་ཚོགས་ཆེན་ཐེངས་༢༧ ནམ་ཀོབ་༢༧ (COP27) ཐོག་བཙན་བྱོལ་བོད་ཀྱི་གཞུང་འབྲེལ་དང་གཞུང་འབྲེལ་མ་ཡིན་པའི་སྐུ་ཚབ་ལྔ་ཕེབས་ཡོད་པ།
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་འདི་ཚེས་ ༥ རེས་གཟའ་སྤེན་པའི་ཉིན་བཞུགས་སྒར་རྒྱལ་བའི་ཕོ་བྲང་དུ་རྒྱུད་སྟོད་གྲྭ་ཚང་ནང་ཆོས་ཐོག་འགྲིམ་བཞིན་པའི་དགེ་བཤེས་གྲངས་ ༥༧ ལ་མཇལ་ཁ་དང་བཀའ་སློབ་སྩལ་བ། །
པཱ་ལགས་ཞེས་པའི་བོད་ནང་བོད་མིའི་ཞི་རྒོལ་ཆེན་པོ་དང་འབྲེལ་བའི་ནང་དོན་གྱི་གཏམ་བརྗོད་དེ་ཕྱི་ཚེས་༣ནས་༡༤བར་རྒྱ་གར་གྱི་མོམ་སྦ་ཡ་གྲོང་ཁྱེར་གྱི་སྙན་གྲགས་ཆེ་བའི་པི་ཐི་ཝི་དུས་སྟོན་སྐབས་གཟིགས་འབུལ་ཞུ་ཡི་ཡོད་པའི་སྐོར་བཞུགས་སྒར་ནས་འདི་གའི་གསར་འགོད་པ་བསྟན་འཛིན་དབང་འདུས་ལགས་ཀྱིས་བཏང་བའི་གནས་ཚུལ་ཞིག་གསན་རོགས་གནང་།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་ཨ་རི་ནིའུ་ཡོག་ཏུ་རྟེན་གཞི་བྱས་པའི་ཨ་རི་བོད་ཁང་གི་འབྲེལ་ཡོད་མི་སྣ་ཁག་ཅིག་གིས་ཇི་ལྟར་གསོལ་འདེབས་ཞུས་པ་བཞིན། སྤྱི་ཟླ་ ༡༠ ཚེས་ ༢༡ ཉིན་༧གོང་ས་༧སྐྱབས་མགོན་ཆེན་པོ་མཆོག་གིས་བཞུགས་སྒར་རྒྱལ་བའི་ཕོ་བྲང་དུ་མཇལ་ཁ་སྩལ་གནང་མཛད་ཡོད་པ་རེད།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་མོ་མཆོག་ལ་ཧྥ་རན་སི་ནང་རྟེན་གཞི་བྱས་པའི་ཚོགས་པ་ BWBW འམ་འཛམ་གླིང་ཞི་བདེ་དགོས་པར་རང་ཉིད་ནས་འགོ་བརྩམ་དགོས་ཞེས་པའི་ཚོགས་པས་ཇི་ལྟར་གསོལ་འདེབས་ཞུས་པ་བཞིན། སྤྱི་ཟླ་ ༡༠ ཚེས་ ༢༠ ཉིན་བཞུགས་སྒར་རྒྱལ་བའི་ཕོ་བྲང་དུ་མཇལ་ཁ་སྩལ་གནང་མཛད་ཡོད་པ་རེད།
བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་རྒྱ་གར་ན་གཞོན་ཉམས་ཞིབ་པའི་ཚོགས་འདུ་ཐེངས་བཞི་པ་འདི་བཞིན་སྤྱི་ཟླ་༡༠ ཚེས་༡༧ ཉིན་ས་ར་བོད་ཀྱི་མཐོ་རིམ་སློབ་གཉེར་ཁང་དུ་འགོ་འཛུགས་གནང་སོང་། ད་རེས་ཚོགས་འདུའི་སྐབས་ཧི་མ་ལའི་ཁུལ་གཙོས་པས་རྒྱ་གར་གྱི་མཐོ་སློབ་འདྲ་མིན་ནས་རྒྱ་གར་གྱི་ན་གཞོན་ཉམས་ཞིབ་པ་༣༠ མཉམ་ཞུགས་གནང་ཡོད།
སྤྱི་ཟླ་༡༠ཚེས་༡༦ཉིན་རྒྱ་ནག་གི་རྒྱལ་ས་པེ་ཅིན་དུ་རྒྱ་ནག་དམར་ཤོག་ཚོགས་པའི་ཚོགས་ཆེན་ཐེངས་༢༠འཚོགས་བཞིན་ཡོད་སྟབས་བཞུགས་སྒར་དུ་རྟེན་གཞི་བྱས་པའི་དབུས་བོད་ཀྱི་གཞོན་ནུ་ལྷན་ཚོགས་ཀྱིས་ངོ་རྒོལ་གྱི་ལས་འགུལ་སྤེལ་ཡོད་པའི་སྐོར་བསྟན་འཛིན་དབང་བསྡུས་ལགས་ཀྱིས་སྙན་སྒྲོན་གནང་གི་རེད།
༧གོང་ས་མཆོག་ལ་བལ་ཡུལ་དུ་རྟེན་གཞི་བྱས་པའི་རྣམ་རྒྱལ་མཐོ་སློབ་ཀྱི་འཛིན་རིམ་བཅུ་གཉིས་ཀྱི་དགེ་སློབ་རྣམས་ནས་ཇི་ལྟར་གསོལ་འདེབས་ཞུས་པ་བཞིན། སྤྱི་ཟླ་ ༡༠ ཚེས་ ༧ ཉིན་བཞུགས་སྒར་ཁུལ་དུ་བོད་མིའི་སྒྲིག་འཛུགས་ནང་རྒྱུས་ལོན་ཆེད་ཤེས་རིག་སྐོར་བསྐྱོད་བྱེད་བཞིན་པའི་བལ་ཡུལ་རྣམ་རྒྱལ་མཐོ་སློབ་སློབ་ཕྲུག་རྣམས་ལ་མཇལ་ཁ་སྩལ།
རྒྱ་གར་གྱི་མེས་པོ་དམ་པ་གྷན་རྡི་མཆོག་སྐུ་འཁྲུངས་ནས་མི་ལོ་༡༥༣འཁོར་བའི་ཉིན་མོ་ཁྱད་པར་ཅན་དེར་བོད་མིའི་སྒྲིག་འཛུགས་ཀྱི་ངོས་ནས་མེས་པོ་དམ་པ་ཁོང་གི་འཚེ་མེད་ཞི་བའི་རླབས་ཆེའི་མཛད་རྗེས་ལ་རྗེས་སུ་ཡི་རངས་ཞུས་ཆེད་གངས་སྐྱིད་སྲི་བཟློག་མཆོད་བརྟེན་གྱི་འདུན་ཐང་དུ་ཉིན་མོ་འདི་སྲུང་བརྩི་ཞུས་གནང་འདུག
ཆོས་རིག་ལས་ཁུངས་ཀྱི་གོ་སྒྲིག་འོག་སྤྱི་ཟླ་ ༩ ཚེས་ ༢༠ རེས་གཟའ་མིག་དམར་ཉིན་བོད་ཀྱི་རིག་གཞུང་རྒྱུན་གནས་ཐུབ་ཐབས་སུ་བོད་རིགས་གཞོན་སྐྱེས་ཚོའི་འོས་འགན་ཞེས་པའི་བརྗོད་གཞིའི་ཐོག་ཉིན་གྲངས་གསུམ་རིང་གཞོན་སྐྱེས་སྒྱུ་རྩལ་བ་དང་ཉམས་ཞིབ་པའི་ཚོགས་འདུ་ཞིག་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དུ་སྐོང་འཚོག་གནང་།
མང་སྣོན།
