སྤྱི་ཟླ་༥པའི་ཚེས་༡ ཉིན་ནས་བལ་བོད་གཉིས་ཀྱི་ས་མཚམས་འགྲམ་གྱི་འགག་སྒོ་ཡོངས་སུ་ཕྱེས་ཡོད་པའི་སྐོར་བལ་ཡུལ་ནས་འདི་གའི་གསར་འགོད་པ་ཀུན་བཟང་བསྟན་འཛིན་ལགས་ཀྱིས་གནས་ཚུལ་སྙན་སྒྲོན་ཞུས་གནང་འདིར་འཁོད་ཡོད།
ནེའུ་ཡོག་གྲོང་ཁྱེར་ནང་ཉེ་ལམ་བརྒྱུད་ལམ་ཁག་གཅིག་ནས་༧སྤྱི་ནོར་གོང་ས་སྐྱབས་མགོན་ཆེན་པོ་ཆོག་གི་བརྙན་ཐུང་བཅད་གཏུབ་བྱས་ནས་བདེན་མིན་གྱི་མཚན་སྨད་ཞུས་པ་ལ་བོད་མི་དང་དད་ལྡན་པ་ཚོས་ཞི་བའི་སྐད་འབོད་ཀྱི་ལས་འགུལ་སྤེལ་ཡོད་པ་རེད།
ཨ་རིའི་གྲོང་ཁྱེར་ནིའུ་ཡོག་ཏུ་བོད་མིའི་རང་དབང་སྒེར་ལངས་གསུམ་བཅུ་དུས་དྲན་ཐེངས་༦༤ པ་སྲུང་བརྩི་བྱས་པ་དང་། བྱང་ཨ་རིའི་སྐུ་ཚབ་དོན་གཅོད་ཀྱིས་ཨ་རིའི་གྲོས་ཚོགས་འཐུས་མི་རྣམས་ལ་བོད་དོན་ཁྲིམས་གཞི་གསར་པའི་ཐད་ཞུ་སྐུལ་བྱེད་དགོས་པའི་འབོད་སྐུལ་གནང་བ་དང་། ཁེ་ན་ཎ་ནས་ཡོང་བའི་བུ་ཁྲིད་དཀར་པོ་ཆེ་ལགས་ཀྱིས་ཀྱང་གཏམ་བཤད་གནང་།
ཕྱི་ཚེས་༤ ནས༧ བར་ཏེ་བོད་ཚེས་༡༢ ནས་༡༥ བཅས་ཉིན་བཞིའི་རིང་ཨ་རིའི་གྲོང་ཁྱེར་ནིའུ་ཡོག་ཏུ་༧སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་རིན་པོ་ཆེ་དང་མཁན་ཟུར་སྐྱབས་རྗེ་བློ་བཟང་བདེ་ལེགས་རིན་པོ་ཆེ་རྣམ་གཉིས་ཆོ་འཕྲུལ་སྨོན་ལམ་ཆེན་མོའི་ཚོགས་མགོན་དུ་ཆེད་ཕེབས་གནང་སྟེ་གསུང་ཆོས་དང་ནང་ཆོས་བགྲོ་གླེང་སོགས་གནང་སོང་།
ནིའུ་ཡོག་དང་ནིའུ་ཇར་སི་ས་གནས་བོད་རིགས་སྤྱི་མཐུན་ཚོགས་པའི་གོ་སྒྲིག་འོག་ཨ་མི་རི་ཀའི་གྲོས་ཚོགས་འཐུས་མི་སྐུ་ཞབས་ཇཱིམ་ མེག་གྷ་ཝན Jim McGoren མཆོག་ལ་བོད་དོན་རྒྱབ་སྐྱོར་གནང་བར་ཐུགས་རྗེ་ལེགས་འབུལ་བྱས་པ་དང་། ཁོང་གིས་ས་གནས་མང་ཚོགས་དང་སློབ་ཕྲུག་ཚོ་ལ་གསུང་བཤད་ཀྱང་གནང་ཡོད་པ་རེད།
ནིའུ་ཡོག་བོད་པའི་ཞབས་ཞུ་ཁང་གིས་བོད་པ་དང་ཧི་མ་ལ་ཡའི་རིགས་མཐུན་སྤུན་ཟླས་གཙོས་པའི་གཞིས་སྤོས་པ་རྣམས་ལ་ཡུལ་ལུང་གསར་པའི་ཁྲིམས་དང་ཐོབ་ཐང་ངོ་སྤྲོད། ད་དུང་དགོས་ངེས་ཀྱི་མཐུན་རྐྱེན་སྦྱར་ནས་འཚོ་བ་ཡར་རྒྱས་གཏོང་བ་རེད། ཐེངས་འདིའི་ཁ་བའི་མི་སྣའི་ལས་རིམ་ནང་ཞབས་ཞུ་ཁང་དེ་ཚུགས་མཁན་ཚེ་རིང་བདེ་སྐྱིད་ལགས་གདན་འདྲེན་ཞུས་ཡོད།
ཟླ་སྣང་ཐེབས་རྩ་ཁང་ནས་ཉིན་གྲངས་གསུམ་རིང་ནིའུ་ཡོག་གྲོང་ཁྱེར་གྱི་ཕུན་ཚོགས་སྡེ་བཞིའི་ཚོགས་ཁང་ནང་ཆོས་རྒྱུད་རིས་མེད་ཀྱི་བླ་སྤྲུལ་ཁག་དང་། དེ་བཞིན་ས་གནས་བོད་རིགས་མང་ཚོགས། ཧི་མ་ལ་ཡའི་རི་རྒྱུད་ཀྱི་མི་རིགས། རྒྱ་རིགས་སོགས་ནས་བཀའ་བརྒྱུད་སྨོན་ལམ་ཐེངས་བཞི་པ་འཚོགས་ཡོད་པ་རེད།
ནིའུ་ཡོག་གྲོང་ཁྱེར་ནང་གཏན་སྡོད་འཇིགས་མེད་བསྟན་འཛིན་ལགས་དང་བསོད་ནམས་དཔལ་སྐྱིད་ལགས་གཉིས་ནས་ངོ་བོ་ཞེས་བོད་ཀྱི་གསལ་བྱེད་རྣམས་ 3D ཚད་གཞི་གསུམ་ལྡན་གྱི་སྦྱར་རིགས་བཟོ་བསྐྲུན་གྱིས་ཚོང་གཉེར་གནང་བཞིན་པའི་ལས་གཞིའི་སྐོར་གླེང་མོལ་ཞུས་པ་གསན་རོགས།
ནེའུ་ཡོག་དང་ནེའུ་འཇར་སིའི་ས་གནས་བོད་རིགས་སྤྱི་མཐུན་ཚོགས་པའི་འགོ་ཁྲིད་འོག་བོད་ཀྱི་དུས་སྟོན་ཐེངས་དང་པོ་སྲུང་བརྩི་ཞུས་ཡོད་པ་རེད།
ཕྱི་ཟླ་༦ པའི་ཚེས་༢༦ ཉིན་༧དཔལ་རྒྱལ་དབང་ཀརྨ་པ་སྐུ་ཕྲེང་བཅུ་བདུན་པ་ཨོ་རྒྱན་འགྲོ་འདུལ་འཕྲིན་ལས་དབང་གི་རྡོ་རྗེ་དཔལ་བཟང་པོ་མཆོག་དགུང་གྲངས་ ༣༨ ལ་ཕེབས་པའི་སྐུའི་འཁྲུངས་སྐར་དེ་བཞིན་བྱང་ཨ་རི་ཀརྨ་པ་སྲི་ཞུ་ཚོགས་པའི་འགོ་ཁྲིད་འོག་ནིའུ་ཡོག་དང་ནིའུ་ཇར་སིས་ཕུན་ཚོགས་སྡེ་བཞིའི་ཚོགས་ཁང་ནང་སྲུང་བརྩི་ཞུས་གནང་སོང།
ནེའུ་ཡོག་དང་ནེའུ་ཇར་སིའི་བློ་གསལ་སྐྱེད་ཚལ་བོད་ཀྱི་སྐད་ཡིག་རིག་གཞུང་སློབ་གྲྭ་དབུ་བརྙེས་ནས་ལོ་ངོ་ ༢༥ འཁོར་བའི་དུས་ཆེན་དེ་ཕྱི་ཟླ་དྲུག་པའི་ཚེས་༡༨ དེ་གཟའ་སྤེན་པའི་ཉིན་ཕུན་ཚོགས་སྡེ་བཞིའི་ཚོགས་ཁང་ནང་སྲུང་བརྩི་ཞུས་སོང། འདི་གའི་ནེའུ་ཡོག་གི་གསར་འགོད་པ་ངག་དབང་བསྟན་འཛིན་གྱིས་གནས་ཚུལ་ངོ་སྤྲོད་བྱས་ཡོད།
བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་གིས་ཨ་རིའི་རྒྱལ་སའི་ནང་གི་མཛད་འཕྲིན་ཁག་ལེགས་པར་གྲུབ་སྟེ་གཟའ་ཉི་མའི་ཉིན་གྲོང་ཁྱེར་ནེའུ་ཡོག་ཏུ་བོད་པ་རྣམས་ལ་གཏམ་བཤད་གནང་བ་དང་། དེ་བཞིན་ནེའུ་ཡོག་གི་རྒྱ་རིགས་དམངས་གཙོ་དོན་གཉེར་བར་མཇལ་འཕྲད། བོད་རིགས་གཞོན་སྐྱེས་རྣམས་ལ་དམིགས་བསལ་འབོད་སྐུལ་ཞུས་པ་རེད།།
ཕྱི་ཟླ་ ༤ ཚེས་ ༢༣ རེས་གཟའ་པ་སངས་ཉིན་བྱེད་ཀྱི་གདན་ས་བཀྲ་ཤིས་ལྷུན་པོའི་གོ་སྒྲིག་འོག་མཁན་པོ་གཟིག་རྒྱབ་རིན་པོ་ཆེ་དངོས་སུ་ཕེབས་ཏེ་༧པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་དགུང་གྲངས་ ༣༣ ལ་ཕེབས་པའི་སྐུའི་འཁྲུངས་སྐར་ནིའུ་ཡོག་དང་ནིའུ་ཇར་སི་ས་གནས་ཕུན་ཚོགས་སྡེ་བཞིའི་ཚོགས་ཁང་ནང་སྲུང་བརྩི་གནང་སོང་།
ནེའུ་ཡོག་ས་གནས་བོད་ཀྱི་གཞོན་ནུ་ལྷན་ཚོགས་དང་བོད་རང་བཙན་སློབ་ཕྲུག་ཚོགས་པ་གཉིས་ཀྱིས་ངོ་རྒོལ་བྱས་ཙང་རྒྱ་ནག་གཞུང་གིས་གོ་སྒྲིག་བྱས་པའི་བོད་གནས་འཁྱོག་བཤད་ཀྱི་འགྲེམས་སྟོན་དེ་ཟླ་བ་འདིའི་ཚེས་༡༢ ནས་ཨ་རིའི་གྲོང་ཁྱེར་ནིའུ་ཡོག་ནང་ཡོད་པའི་Queens ས་གནས་Elmhurst དཔེ་མཛོད་ཁང་ནས་ཕྱིར་བསྡུ་བྱེད་དགོས་པ་བྱུང་འདུག
