ཆབ་སྲིད་བཙོན་ཟུར་ཚེ་རིང་བག་གྲོ་འདས་གྲོངས།

༄༅།། བོད་ཀྱི་ཆབ་སྲིད་བརྩོན་ཟུར་ཚེ་རིང་བག་གྲོ་ལགས་ནི་ལྷ་ས་གྲོང་ཁྱེར། མལ་གྲོ་གུང་དཀར་རྒྱ་མ་ཤང་ནས་ཡིན་ཞིང་། ཆུང་དུས་ལྷ་སའི་ཤར་ཕྱོགས་ཆགས་པའི་དགའ་ལྡན་དགོན་དུ་ཆོས་ཞུགས་ཀྱིས་ནང་བསྟན་གཞུང་ལུགས་ལ་ཐོས་བསམ་སློབ་གཉེར་ཁག་མགོ་བརྩམས། ལོ་རབས་༩༠་པའི་ནང་དུ་རྒྱ་ནག་གཞུང་གིས་བོད་ཀྱི་དགོན་སྡེ་ཁག་ལ་རྒྱལ་གཅེས་ཆོས་གཅེས་དང་སྤྱི་ཚོགས་རིང་ལུགས་ཀྱི་བསམ་བློའི་སློབ་གསོ་གཏོང་བའི་ལས་འགུལ་རྒྱ་ཆེན་ཞིག་སྤེལ།