སྔ་དྲོའི་རླུང་འཕྲིན།༢༠༢༠་ཟླ་༡༡ཚེས་༢༨

ཨ་རིའི་སྲིད་འཛིན་ཌམ་གྱིས་འདེམས་འཐུས་ལྷན་ཚོགས་ཀྱི་འཐུས་མི་ཚོས་ཨ་རིའི་འདེམས་ཐོན་སྲིད་འཛིན་ཇཱོ་བྷ་ཌན་ཡིན་པར་འོས་ཤོག་འཕངས་ཚེ།  ཁོས་ཀྱང་དེ་བཞིན་ཁས་ལེན་བྱ་རྒྱུ་ཡིན་ཅེས་བཤད་ཡོད་པ།ཨ་རིའི་ཆབ་སྲིད་ཚོགས་པ་གཉིས་ཀྱི་གྲོས་ཚོགས་འཐུས་མི་མང་པོས་འདེམས་ཐོན་སྲིེད་འཛིན་ཇོ་བྷད་ཊན་གྱིས་ཀྱང་མ་འོངས་བར་སྲིད་འཛིན་ཁྲི་རོམ་ཕུ་ཡི་དུས་སྐབས་ནང་བཞིན་ཐེ་ཝན་ལ་འབྲེལ་བ་འཛུགས་དགོས་པའི་རེ་འདུན་འདོན་བཞིན་པ། བོད་རྔ་བའི་དགེ་འདུན་པ་ཞིག་ལོ་སྔོན་མའི་སྤྱི་ཟླ་བརྒྱད་པའི་ནང་རྔ་བ་རྫོང་གི་ཉེན་རྟོག་པའི་འཛིན་བཟུང་བྱས་པའི་རྗེས་ནས་གར་སོང་གི་གནས་སྟངས་ཅི་ཡང་ཤེས་ཀྱི་མེད་པ། རྒྱ་ནག་གཞུང་གིས་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཉམས་ཞིབ་པར་པཎ་ཆེན་སྐུ་ཕྲེང་བཅུ་གཅིག་པའི་གནས་ཚུལ་ཐད་ལོག་བཤད་བྱས་ཡོད་པ་སོགས་ཀྱི་གནས་ཚུལ་ཡོད།