ཨ་རིའི་ནང་སྐྲན་ནད་ཀྱིས་སྲོག་ཤོར་བའི་ཚད་མར་ཆག་བཞིན་པ།

རེས་གཟའ་ལྷག་པའི་ཉིན། ཨ་རིའི་སྐྲན་ནད་མཐུན་ཚོགས་ཀྱིས་སྙན་ཐོ་སྤེལ་བ་ལྟར་ན། གློ་བའི་སྐྲན་ནད་དང་ཤ་སྐྲན་ནག་པོའི་སྐོར་གྱི་སྨན་བཅོས་ཀྱི་ལག་རྩལ་ཚད་ལས་བརྒལ་བའི་ཡར་རྒྱས་ཆེན་པོ་སོང་ཡོད་པར་བརྟེན། ༢༠༡༦ ལོ་ནས་༢༠༡༧ ལོའི་བར་སྐྲན་ནད་ཀྱིས་སྲོག་ཤོར་བའི་ཚད་དེ་ལོ་རྒྱུས་ཐོག་ཉུང་ཤོས་ཆགས་འདུག ནིའུ་ཡོག་དུས་བབ་ཀྱི་ཐོག་བཀོད་པའི་འབྲེལ་ཡོད་ཀྱི་གསར་འགྱུར་ཁག་ཚེ་རིང་དབང་མོ་ནས་ཕབ་སྒྱུར་དང་སྙན་སྒྲོན་ཞུ་རྒྱུ་རེད།