བལ་ཡུལ་དུ་རྒྱ་ནག་གི་སྤྱི་དམངས་༡༢༢་འཛིན་བཟུང་།

ཁ་སང་སྤྱི་ཟླ་༡༢་པའི་ཚེས་༢༣་ཉིན་བལ་ཡུལ་གྱི་ཉེན་རྟོག་པས་རྒྱ་ནག་གི་སྤྱི་དམངས་༡༢༢་འཛིན་བཟུང་བྱས་འདུག རྒྱ་ནག་གི་སྤྱི་དམངས་དེ་རྣམས་འཛིན་བཟུང་བྱ་དགོས་པའི་རྒྱུ་མཚན་ནི་དྲྭ་ལམ་དུ་ཁྲིམས་འགལ་གྱི་དངུལ་སྒོར་གཡོ་ལེན་བྱས་པའི་ཉེས་འཛུགས་བྱས་འདུག བལ་ཡུལ་གྱི་ལོ་རྒྱུས་སུ་ཕྱིའི་རྒྱལ་ཁབ་ཀྱི་སྤྱི་དམངས་ཚོས་བལ་ཡུལ་དུ་ཁྲིམས་འགལ་གྱི་བྱ་སྤྱོད་སྤེལ་བ་ཚབས་ཆེ་ཤོས་དེ་རེད་ཅེས་བལ་ཡུལ་གྱི་ཉེན་རྟོག་པས་གསལ་བཤད་བྱས་འདུག