རྒྱ་ནག་འཕྲུལ་རྩལ་གྱི་དབང་སྒྱུར་པ་ཞིག་ལ་འགྱུར་རྒྱུའི་ཉེན་བརྡ།

ཨ་རིའི་སྲིད་འཛིན་ཌོ་ནལ་ཊམ་གྱི་ཚན་རིག་ལག་རྩལ་གྱི་སློབ་སྟོན་པས་ འཕྲུལ་རྩལ་ཡར་རྒྱས་ཅན་གྱི་རྒྱ་ནག་རྒྱལ་ཁབ་དེ་འཕྲུལ་རྩལ་གྱི་དབང་སྒྱུར་རིང་ལུགས་པ་ཞིག་ཏུ་འགྱུར་བཞིན་ཡོད་པས་དེ་ལ་དོགས་ཟོན་བྱེད་མ་ཐུབ་ཚེ། རྒྱ་ནག་གིས་རང་གི་སྤྱི་ཚོགས་སུ་འཕྲུལ་རྩལ་བཀོལ་སྤྱོད་ལོག་པ་བྱས་ནས་ཡུལ་མིའི་རང་དབང་ལ་ཚོད་འཛིན་བྱེད་ཀྱི་ཡོད་པ་ཇི་བཞིན་འཛམ་གླིང་གི་རང་དབང་ལའང་ཤུགས་རྐྱེན་ཐེབས་རྒྱུ་རེད་ཅེས་ཉེན་བརྡ་བཏང་བ་དང་།