༧གོང་ས་མཆོག་གིས་ཐེ་ཝན་གྱི་སྐུ་ཚབ་ལ་མཇལ་འཕྲད།

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་ཕྱི་ཟླ་༧་པའི་ཚེས་༡༩་ཉིན་མོར་བཞུགས་སྒར་དུ་ཆེད་བཅར་ཞུས་པའི་ཐེ་ཝན་གྱི་གཞུང་འཛིན་དམངས་གཙོ་ཡར་ཐོན་ཚོགས་པའི་མཐོ་རིམ་སྐུ་ཚབ་ཚོགས་ཆུང་ཞིག་ལ་མཇལ་འཕྲད་གནང་སྟེ་ཐེ་ཝན་གྱི་དམངས་གཙོའི་ལམ་ལུགས་དང་བོད་དོན་སོགས་ལ་བགྲོ་གླེང་ཞུས་ཡོད་པ་སོགས་ཀྱི་སྐོར། འདི་གའི་གསར་འགོད་པ་བསྟན་འཛིན་བཟང་མོ་ལགས་ཀྱིས་བཏང་བ་ཞིག་གསན་རོགས་གནང་།