བོད་ལ་འགྲོ་སྐྱོད་ཐོབ་ཐང་འདྲ་མཉམ་གྱི་ཨ་རིའི་ཁྲིམས་གསར་པ།

ཨ་རིའི་སྲིད་འཛིན་ཌོ་ནོལ་ཊམ་གྱིས་བོད་ལ་འགྲོ་སྐྱོད་ཐོབ་ཐང་འདྲ་མཉམ་གྱི་ཁྲིམས་འཆར་ལ་མཚན་རྟགས་བཀོད་ནས་ཨ་རིའི་ཁྲིམས་གསར་པ་ཞིག་གཏན་འབེབ་བྱས་པར་བརྟེན། ཨ་རིའི་གཞུང་ཕྱོགས་མི་སྣ་དང་གསར་འགོད་པ་སོགས་བོད་ལ་འགྲོ་སྐྱོད་བྱེད་པར་ཨ་རིའི་གཞུང་གིས་ཇི་ལྟར་ཁྲིམས་ཡིག་འདི་རྒྱབ་རྟེན་བྱེད་སྲིད་པ་དང་། ཨ་རིའི་ནང་གི་བོད་པ་ཚོས་གོ་སྐབས་ཅི་ཞིག་དམ་འཛིན་བྱེད་ཐུབ་མིན་ཐད་དུ་རྒྱལ་སྤྱིའི་བོད་དོན་ལས་འགུལ་ཁང་གི་འབྲེལ་མཐུད་འགན་འཛིན་པ་བསྟན་ཆོས་རྒྱ་མཚོ་ལགས་སུ་བགྲོ་གླེང་ཞུས་ཡོད།།