སྤྱི་འཐུས་སྐུ་ཚབ་ཀྱིས་རྒྱ་གར་གྱི་གྲོས་ཚོགས་འཐུས་མི་དང་མཇལ་ནས་བོད་དོན་ཞུ་སྐུལ་གནང་བཞིན་ཡོད་པ།

བོད་མི་དམངས་སྤྱི་འཐུས་ལྷན་ཚོགས་ཀྱི་ཚོགས་གཞོན་མཆོག་གིས་དབུ་ཁྲིད་པའི་སྐུ་ཚབ་ཚོགས་ཆུང་གིས་རྒྱ་གར་གྱི་ཆབ་སྲིད་ཚོགས་པ་བརྒྱད་ཙམ་གྱི་གྲོས་ཚོགས་འཐུས་༡༨ ཙམ་མཇལ་འཕྲད་གནང་སྟེ། བོད་དོན་ཞུ་སྐུལ་གནང་བཞིན་ཡོད་པ་མ་ཟད། ད་དུང་ཉིན་ཁ་ཤས་རིང་རྒྱ་གར་གྱི་གྲོས་ཚོགས་འཐུས་གཞན་ཁག་མཇལ་འཕྲད་གནང་སྟེ་ཞུ་སྐུལ་གྱི་ལས་འགུལ་དེ་སྤེལ་འཆར་ཡོད་པའི་སྐོར་རིག་འཛིན་ལགས་ཀྱིས་གནས་ཚུལ་སྙན་སྒྲོན་ཞུས་པ་ཞིག་གསན་རོགས་གནང་།