བོད་ཀྱི་དྲོད་ཚད་དང་བརླན་ཚད་ཆེ་རུ་འགྲོ་བཞིན་པ།

འཛམ་གླིང་འདིའི་ནང་གོ་ལའི་ཚ་དྲོད་ཆེ་རུ་ཕྱིན་པའི་གནས་སྟངས་ཀྱི་འོག་ནས་གནམ་གཤིས་ལ་འགྱུར་བ་ཆེན་པོ་འགྲོ་བཞིན་ཡོད་པའི་སྐབས་འདིར་བོད་མཐོ་སྒང་དུ་ས་གནས་གཞན་ལས་ཀྱང་མྱུར་ཚད་མགྱོགས་པའི་གནམ་གཤིས་འགྱུར་བ་འགྲོ་བཞིན་ཡོད་པས། ད་རེས་རྒྱ་ནག་གཞུང་འབྲེལ་གྱི་ཞིབ་འཇུག་སྙན་ཐོ་ཞིག་ནང་ད་ལྟ་བོད་དེ་བཞིན་ཚ་དྲོད་དང་བརླན་གཤེར་ཆེ་རུ་འགྲོ་བཞིན་ཡོད་པའི་གནས་ཚུལ་བཀོད་ཡོད་སྐོར་ཡེ་ཤེས་རྡོ་རྗེ་ལགས་ཀྱིས་ཕྱོགས་བསྒྲིགས་དང་སྙན་སྒྲོན་ཞུས་གནང་གི་རེད།