གྲྭ་འཕྲིན་ལས་རྒྱ་མཚོ་རྒྱ་ནག་གཞུང་གིས་ལོ་ ༧ གྱི་རིང་བཙོན་འཇུག་བྱས་རྗེས་གློད་གྲོལ།

རྔ་བ་རྫོང་རྟོགས་ལྡན་དགོན་གྱི་གྲྭ་འཕྲིན་ལས་རྒྱ་མཚོ་ལགས་ཀྱིས། ཕྱི་ལོ་ ༢༠༠༨ ལོར་རྔ་བ་རྫོང་ཁོངས་སུ་བྱུང་བའི་ཞི་རྒོལ་གྱི་དངོས་ཡོད་གནས་ཚུལ་ཕྱི་ཕྱོགས་སུ་མཁོ་སྤྲོད་གནང་བའི་ནག་ཉེས་འོག རྒྱ་ནག་གཞུང་གིས་ཁོང་ལ་ལོ་ ༧ གྱི་རིང་བཙོན་འཇུག་གི་ཁྲིམས་ཐག་བཅད་དེ་སི་ཁྲོན་མེན་ཡཱང་བཙོན་ཁང་དུ་བཙོན་བཅུག་བྱས་པའི་རྗེས།་ ཁ་ས་ཚེས་ ༤ ཉིན་བཙན་འཇུག་གི་དུས་ཡུན་རྫོགས་ནས་བཙོན་གྲོལ་བཏང་ཡོད་པའི་སྐོར།