བོད་ཀྱི་ཐེབས་རྩ་ཁང་བཙུགས་ཏེ་ལོ་ངོ་༣༠ ལྷག་ཕྱིན་ཡོད་པ།

༡༩༨༡ ལོར་ཨ་རིའི་གྲོང་ཁྱེར་ནེའུ་ཡོག་ནང་བོད་ཀྱི་ཐེབས་རྩ་ཁང་ཐོག་མར་གསར་འཛུགས་བྱས་པ་ནས་ད་ཕན་བཙན་བྱོལ་བོད་མིའི་སྤྱི་ཚོགས་ཁྲོད་ཤེས་ཡོན་དང་འཕྲོད་བསྟེན་ དེ་བཞིན་བོད་ཀྱི་ངོ་བོ་དང་རིག་གཞུང་སྲུང་སྐྱོང་སོགས་ལ་སྨན་པའི་ལས་དོན་རླབས་ཆེན་གནང་ཐུབ་ཡོད་པ་རེད། བགྲོ་གླེང་གི་མདུན་ལྕོག་ལས་རིམ་གྱིས་ཐེབས་རྩ་ཁང་གི་འགན་འཛིན་བློ་བཟང་ སྙན་གྲགས་ལགས་མཉམ་དུ་ཐེབས་རྩ་ཁང་གི་ལས་དོན་གཙོ་གནད་ཆེ་བ་ཁག་ཅིག་དང་ལས་དོན་དེའི་ཚོའི་ཕན་ནུས་སྐོར་གླེང་མོལ་ཞུ་གི་རེད།