ཨ་རིས་རྒྱ་ནག་ལ་༧གོང་ས་མཆོག་དང་འབྲེལ་མོལ་ཞུ་དགོས་པ་བསྐྱར་དུ་སྐུལ་མ་བྱས་བ།

བཞུགས་སྒར་རྡ་རམ་ས་ལར་སྲིད་སྐྱོང་བློ་བཟང་སེངྒེ་དབུ་བཞུགས་ཐོག་རྒྱ་བོད་འབྲེལ་མོལ་ལས་དོན་ཚོགས་ཆུང་གི་ཚོགས་འདུ་འཚོགས་ཏེ་ཉིན་གཉིས་ཕྱིན་པའི་རྗེས་སུ། གཟའ་ཕུར་བུ་ཉིན་ཨ་མི་རི་ཁའི་ཕྱི་སྲིད་ལས་ཁུངས་ཀྱི་མགྲེན་ཚབ་པས་རྒྱ་ནག་གཞུང་ལ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གམ་ཡང་ན་ཁོང་གི་སྐུ་ཚབ་དང་མཉམ་སྔོན་འགྲོའི་ཆ་རྐྱེན་མེད་པའི་ཐོག་ནས་དོན་ཕན་ལྡན་པའི་གྲོས་མོལ་བྱེད་དགོས་པ་བསྐུལ་མ་བྱས་པ་དང་།