ཧྥ་རན་སི་ལ་གཏོར་རྒོལ།

ཕྱི་ཟླ་དང་པོའི་ཚེས་༧་ཉིན་ཧྥ་རན་སིའི་རྒྱལ་ས་ཕེ་རི་སིར་འཇིགས་སྐུལ་རིང་ལུགས་པ་གཉིས་ཀྱིས་མེ་མདའ་བརྒྱབ་སྟེ། ཆར་ལི་ཧབ་དོ་ཟེར་པའི་ཟུར་ཟའི་དུས་དེབ་ཀྱི་རྩོམ་སྒྲིག་པ་དང་གསར་འགོད་པ་བཅུ་ཐམ་པ་དང་། དུས་དེབ་རྩོམ་སྒྲིག་ཁང་དེར་སྲུང་སྐྱོབ་བྱེད་མཁན་ཉེན་རྟོག་པ་གཉིས་བཅས་ཁྱོན་བསྡོམས་མི་༡༢་སྡེབ་གསོད་བྱས་ཡོད་ཅིང་། གཟའ་ཕུར་བུའི་ཉིན་ཧྥ་རན་སི་གཞུང་དམངས་གཉིས་ཀས་འཇིགས་སྐུལ་རིང་ལུགས་པ་ཚོས་བསད་པའི་གསར་འགོད་པ་དང་ཉེན་རྟོག་པ་འདས་པོ་དེ་དག་ལ་མྱ་ངན་བྱས་པ་དང་།