ཨ་རིའི་གློག་བརྙན་དུས་སྟོན་ཞིག་ཏུ་བོད་གཞས་ལ་གཟེངས་རྟགས་ཐོབ་པ།

Embed share

ཨ་རིའི་གློག་བརྙན་དུས་སྟོན་ཞིག་ཏུ་བོད་གཞས་ལ་གཟེངས་རྟགས་ཐོབ་པ།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:07:26 0:00

ཐད་ཀར་ཕབ་ལེན་གྱི་དྲ་འབྲེལ།

• 128 kbps | MP3
• 32 kbps | MP3

གསན་གཟིགས་གནང་ས།

༄༅།། ཉེ་ཆར་ཨ་རིའི་གྲོང་ཁྱེར་ནེའུ་ཡོག་གྲོང་ཁྱེར་དུ་ཚུགས་པའི་ཕྱི་ལོ་༢༠༢༠་ ལོའི་མན་ཧ་ཊན་རྒྱལ་སྤྱིའི་གློག་བརྙན་དུས་སྟོན་ཐོག་ཏུ་རྒྱལ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་ཆགས་ཀྱི་བོད་པ་ན་གཞོན་གཞས་པ་བུ་ཆུང་གིས་བཟོས་པའི་མཛའ་གཞས་བརྩེ་དུང་ཞེས་པ་དེར་མན་ཧ་ཊན་རྒྱལ་སྤྱིའི་གློག་བརྙན་དུས་སྟོན་གྱི་གླུ་གཞས་རྩེ་ཕུད་ཀྱི་གཟེངས་རྟགས་ཐོབ་འདུག གཞས་དེ་ཨ་རིར་རྟེན་གཞི་བྱས་པའི་ཁ་བཏགས་ཚོགས་པས་ཡུ་ཊུབ་དྲྭ་ལམ་དུ་བཀྲམ་སྟེ་བོད་གཞས་རྩེ་ཕུད་༡༠་ཐམ་པའི་གྲས་སུ་བདམས། དེ་ནས་གློག་བརྙན་དུས་སྟོན་བཀོད་སྒྲིག་ཚོགས་པར་འོས་སྦྱོར་བྱུང་བ་ལྟར་འགྲན་སྡུར་ནང་དུ་ཚུད། འགྲན་སྡུར་གྱི་དཔྱད་འདེམས་རིམ་པ་བརྒྱུད་པའི་གཞུག་དེར་རྒྱལ་སྤྱིའི་གླུ་གཞས་ཨང་རིམ་བཅུའི་ཁོངས་སུ་ཚུད་པར་མ་ཟད། ཨང་རིམ་གསུམ་པའི་ཁོངས་སུ་ཨ་རི་དང་འཇར་མན། བོད་པ་བཅས་ཀྱི་གླུ་གཞས་གསུམ་འདེམས་ཐོན་བྱུང་སྟེ་བུ་ཆུང་གིས་བཟོས་པའི་བོད་གཞས་བརྩེ་དུང་ཞེས་པ་དེ་ཨང་དང་པོར་བདམས། འདི་ནི་ད་ལྟའི་བར་དུ་བཙན་བྱོལ་སྤྱི་ཚོགས་ཀྱི་བོད་གཞས་ཤིག་ལ་ཚོགས་པ་དེའི་རྒྱལ་སྤྱིའི་རྩེ་ཕུད་གཟེངས་རྟགས་ཐོབ་པ་ཐོག་མ་དེར་གྱུར། གཞས་པ་བུ་ཆུང་ལ་རྒྱལ་སྤྱིའི་རྩེ་ཕུད་ཀྱི་གཟེངས་རྟགས་ཐོབ་པར་ཚོར་སྣང་ཅི་བྱུང་དྲིས་པར་གཟེངས་རྟགས་དེ་འདྲ་ཞིག་ཐོབ་པར་ཧ་ཅང་དགའ་སྤོབས་བྱུང་སོང་། ཐོག་མར་ཡིད་ཆེས་ཁག་པོ་ཞིག་བྱུང་སོང་ཞེས་མྱོང་ཚོར་བཤད་འདུག

མན་ཧ་ཊན་རྒྱལ་སྤྱི་གློག་བརྙན་དུས་སྟོན་བཀོད་སྒྲིག་ཚོགས་པས་བོད་གཞས་དེའི་སྒྲུང་དང་ཚིག པར་རྒྱག་སྟངས། རོལ་དབྱངས་བཅས་པ་ཁྱད་དུ་འཕགས་པར་གཟིགས་ནས་བདམས་པ་ཡིན་འདུག བརྩེ་དུང་ཞེས་པའི་གླུ་གཞས་དེ་བྷེང་ལོར་གྲོང་ཁྱེར་གྱི་ཏ་བླའི་བླ་མ་མཐོ་རིམ་སློབ་གཉེར་ཁང་དུ་བརྙན་པར་བླངས། གཞས་ཚིག་རྣམས་བོད་ཡིག་དང་དབྱིན་ཡིག་ཤན་སྦྱར་བྲིས་འདུག བུ་ཆུང་གིས་བཟོས་པའི་གླུ་གཞས་བརྩེ་དུང་ཞེས་པ་དེ་༢༠༡༩་ལོའི་ཕྱི་ཟླ་༩་པའི་ནང་དུ་བཟོས་པ་དང་ཡུ་ཊུབ་དྲྭ་ལམ་དུ་གཞས་དེར་མི་གྲངས་འབུམ་གསུམ་མ་ཟིན་ཙམ་གྱིས་བལྟས་འདུག ད་ལོའི་ཕྱི་ཟླ་༢་པའི་ཚེས་༡༢་ཉིན་ཏེ། བོད་ཀྱི་ལོ་གསར་ལ་བསྟུན་ནས་འབྲུག་པའི་སྐད་དུའང་གཞས་གསར་པ་ཞིག་འདོན་འཆར་འདུག

ཁོང་ལ་གཞས་ཤིག་ཡག་པོ་འཁྱོངས་བར་ཆ་རྐྱེན་གཙོ་བོ་གང་ཚང་དགོས་མིན་དྲིས་པར་གཞས་ཤིག་བཟོ་བའི་སྐབས་སུ་ཚོར་བ་ཤུགས་ཆེན་པོ་ཡོད་དགོས་པ་དང་དབྱངས་ལེགས་པོ་དགོས་པ། ཚིག་དེ་མི་ཚང་མས་གོ་ཐུབ་པ་ཞིག་དགོས་རྒྱུ་བཅས་ནི་ཆ་རྐྱེན་གལ་ཆེན་གསུམ་ཡིན་པའི་མྱོང་ཚོར་གསུངས་བྱུང་། མཐའ་དོན་བུ་ཆུང་གིས་བོད་ཀྱི་གཞས་པ་ཚོ་སེམས་ཤུགས་མ་ཉམས་པར་མུ་མཐུད་དུ་འབད་བརྩོན་གནང་ན་འབྲས་བུ་བཟང་པོ་ཞིག་འཐོབ་ངེས་རེད་ཅེས་སྐུལ་ལྕག་བཏང་སོང་། ཁོང་ལ་རྒྱབ་སྐྱོར་བྱེད་མཁན་ཚོར་བཀའ་དྲིན་ཆེ་ཞུས་པ་དང་བུ་ཆུང་ནི་རྒྱ་གར་ལྷོ་ཕྱོགས་སྦེལ་ཀོབ་བདེ་སྐྱིད་སླར་གསོ་གྲོང་སྡེ་བརྒྱད་པ་ནས་ཡིན་ཞིང་། ཕྱི་ལོ་༢༠༡༧་ལོར་གླུ་གཞས་རྨི་ལམ་ཞེས་པ་དེ་སྤྱི་ཚོགས་སུ་བཀྲམ། ལོ་དེར་བཞུགས་སྒར་རྡ་རམ་ས་ལར་ཚོགས་པའི་བོད་ཀྱི་གླུ་གཞས་འགྲན་སྡུར་ཐོག་ཏུ་རྨི་ལམ་ཞེས་པའི་གཞས་དེར་རོལ་དབྱངས་རྩེ་ཕུད་ཀྱི་བྱ་དགའ་ཐོབ། དེ་ནས་བཟུང་སྟེ་ད་ལྟའི་བར་དུ་གླུ་གཞས་ཁག་༡༥་ཙམ་གསར་རྩོམ་བྱས་ཡོད་པ་རྣམས་ཡུ་ཊུབ་དྲྭ་ལམ་དུ་ལྟ་ཉན་ཐུབ་ཀྱི་ཡོད་པའི་སྐོར། རྒྱ་གར་ལྷོ་ཕྱོགས་ནས་འདི་གའི་གསར་འགོད་པ་རྒྱལ་མཚན་ཆོས་གྲགས་ལགས་ཀྱིས་བཏང་བའི་གནས་ཚུལ

།