༄༅།། ཨ་རིའི་ཕྱི་སྲིད་ལྷན་ཁང་གིས་ཚེས་༡༧་ཉིན་གསལ་བསྒྲགས་ཤིག་སྤེལ་ནས་ཀུན་གཟིགས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་གང་དུ་བཞུགས་ཡོད་མེད་དང་ཡབ་ཡུམ་སྐུ་འཁོར་བཅས་ཀྱི་གནས་སྟངས་ཅི་ཡིན་རྣམས་མི་དམངས་ལ་གསལ་བཤད་མཐིལ་ཕྱིན་པ་ཞིག་བྱ་དགོས་པའི་འབོད་སྐུལ་ཞུས་ཡོད་ཅིང་། རྒྱ་ནག་གཞུང་གིས་བོད་པའི་ཆོས་དང་རིག་གཞུང་། ཡུལ་གོམས་གཤིས་ལུགས་བཅས་པ་རྩ་མེད་བཟོ་རྒྱུའི་ལས་འགུལ་མུ་མཐུད་དུ་སྤེལ་བཞིན་ཡོད་པར་ཨ་རིའི་གཞུང་གིས་བློ་ཚབས་ཆེན་པོ་བྱེད་ཀྱི་ཡོད་ཅེས་བཀོད་གནང་ཡོད་པའི་སྐོར།