ངོ་འཕྲད་བདེ་བའི་དྲ་འབྲེལ།

སྲིད་འཛིན་འོས་བསྡུའི་དྲིལ་བསྒྲགས་དང་བགྲོ་གླེང་གི་ཤུགས་རྐྱེན།


ཨ་རིའི་སྲིད་འཛིན་འོས་བསྡུའི་བརྒྱུད་རིམ་ནང་སྲིད་དོན་ཚོགས་པ་སོ་སོའི་འོས་མི་ཐག་གཅོད་ཀྱི་བརྒྱུད་རིམ་དང་། དེ་ནས་སྲིད་དོན་ཚོགས་པ་གཉིས་ཀྱི་སྲིད་འཛིན་འོས་མི་གཉིས་ཀྱིས་འོས་བསྡུའི་དྲིལ་བསྒྲགས་ལས་འགུལ་ནང་མང་ཚོགས་ལ་གཏམ་བཤད་དང་འོས་བསྡུ་བ་མི་མང་ལ་ཐད་ཀར་འབྲེལ་གཏུགས་གནང་ནས་ལས་འཆར་ངོ་སྤྲོད་གནང་རྒྱུའི་མཚོན་ཟླ་བ་མང་པོའི་རིང་དྲིལ་བསྒྲགས་ལས་འགུལ་གནང་གི་ཡོད་པ་མ་ཟད། རྒྱལ་ཡོངས་ལ་ཐད་ཀར་རྒྱང་སྲིང་བྱས་པའི་བགྲོ་གླེང་སྔ་རྗེས་ལ་གདོང་ལེན་གནང་དགོས་པ་སོགས་རྒྱུན་རིང་ལ་དཀའ་ཚེགས་ཅན་གྱིི་འོས་བསྡུའི་བརྒྱུད་རིམ་ནང་ཞུགས་དགོས་ཀྱི་ཡོད། ད་ལོའི་སྲིད་འཛིན་འོས་བསྡུ་དེ་རྒྱལ་ནང་དུ་དཔལ་འབྱོར་དཀའ་ངལ་དང་རྒྱལ་སྤྱིའི་ནང་ཨ་རིའི་དབུ་ཁྲིད་ཀྱི་འགན་འཁུར་སོགས་ཕྱི་འབྲེལ་སྲིད་བྱུས་ལ་གདོང་ལེན་བྱེད་དགོས་པའི་འགག་རྩའི་དུས་སྐབས་ཤིག་ལ་བྱེད་ཀྱི་ཡོད་པ་དེས་སྲིད་འཛིན་འོས་བསྡུ་དེ་སྔར་ལས་རྣོ་ངར་ཆེ་བའི་འོས་བསྡུ་ཞིག་ཆགས་ཡོད། དེ་རིང་གི་བགྲོ་གླེང་ལེ་ཚན་ནང་དུ་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་གཞོན་པ་བུ་ཆུང་ཚེ་རིང་ལགས་དང་དམིགས་བཀར་ལས་འཆར་བཀོད་འདོམས་པ་བསྟན་འཛིན་ཆོས་སྒྲོན་ལགས་གཉིས་གདན་འདྲེན་ཞུས་ནས་ཨ་རིའི་སྲིད་འཛིན་འོས་བསྡུའི་བརྒྱུད་རིམ་ནང་དྲིལ་བསྒྲགས་ལས་འགུལ་དང་བགྲོ་གླེང་སོགས་ཀྱི་ཁྱད་ཆོས་དང་དེ་དག་གིས་དངོས་གཞིའི་འོས་བསྡུའི་གྲུབ་འབྲས་ལ་ཤུགས་རྐྱེན་གང་བྱེད་ཀྱི་ཡོད་པ་བཅས་ཀྱི་སྐོར་ལ་བགྲོ་གླེང་ཞུ་རྒྱུ་ཡིན།


ཀུན་གླེང་ནི་འཁོར་སྐར་བརྒྱུད་ནས་བལྟ་ཐུབ་པ་དང་ རླུང་འཕྲིན་ཐོག་ཏུ་ཉན་ ཐུབ་པ་མ་ཟད། ད་དུང་དྲ་རྒྱ་བརྒྱུད་ནས་ཀྱང་དུས་ཐོག་ཏུ་བལྟ་ཉན་བྱེད་ཐུབ་པ་དང༌། བདུན་ཕྲག་རེའི་གཟའ་ལྷག་པ་དང་གཟའ་པ་སངས་ནམ་ཡིན་ལ་འཛམ་གླིང་གཅིག་གྱུར་གྱི་ཆུ་ ཚོད་༡༤་ནས་༡༥་བར་རམ། ཡང་ན་ལྷ་སའི་དགོང་མོའི་ཆུ་ཚོད་༡༠་ནས་༡༡་བར་དུ་ཀུན་གླེང་ལ་བལྟ་ཉན་ཐུབ་ཅིང༌། བོད་དང་རྒྱ་ནག་ནས་ཁ་པར་ཨང་གྲངས་༡༠༨༨༨༨་མནན་ཚེ། ཨེ་ཊི་ཨེན་ཊི་ཞེས་པའི་སྒྲ་ཞིག་ཐོས། དེའི་རྗེས་སུ་ཁ་པར་ཨང་གྲངས་༨༦༦ ༨༣༧ ༥༡༥༩ མནན་ན་སྐུ་ཉིད་ཀྱིས་རིན་པ་སྤྲོད་མི་དགོས་པའི་ཁ་པར་དེ་ང་ཚོར་འཕྲོད། ཨ་རི་དང་རྒྱལ་ཁབ་གཞན་ནས་༡ ༢༠༢ ༦༡༩ ༣༧༧༤ མནན་ནས་ཁ་པར་འབྲེལ་མཐུད་པར་རིན་པ་ཨ་རིའི་རླུང་འཕྲིན་ཁང་ལ་སྤྲོད་དུ་འཇུག་ དགོས་ཞེས་མངགས་བཀོད་བྱེད་ན་ཁ་པར་གྱི་རིན་པ་ང་ཚོས་སྤྲོད་ངེས་ཡིན། ཡང་ན་སྔོན་ནས་སྐུ་ཉིད་ཀྱི་མིང་དང་ཁ་པར་ཨང་གྲངས་ང་ཚོར་བསྐུར་ཚེ། ང་ཚོས་ཀུན་གླེང་གི་བགྲོ་གླེང་སྐབས་སུ་སྐུ་ཉིད་ལ་འབྲེལ་བ་བྱེད་ཆོག་པ་དང༌། གལ་ཏེ་སྐུ་ཉིད་ཀུན་གླེང་ལ་དངོས་སུ་མཉམ་ཞུགས་མི་ཐུབ་ཀྱང་ང་ཚོར་ tibetantv@voanews.com བརྒྱུད་ནས་ཨི་མེལ་གཏོང་བའམ། ཡང་ན་ཧཕེཀ་སི་ཨང་གྲངས་༡ ༢༠༢ ༣༨༢ ༥༥༩༦ བརྒྱུད་ནས་དྲི་བ་བསྐུར་གནང་ཡོད་པ་ཞུ།
XS
SM
MD
LG