ངོ་འཕྲད་བདེ་བའི་དྲ་འབྲེལ།

ཨ་རིའི་དམག་གིས་བྱང་སྣེའི་བདེ་འཇགས་ལ་སྲུང་སྐྱོབ་བྱ་དགོས།


༄༅།། ཨ་མི་རི་ཀའི་མཚོ་དམག་གི་མཐོ་རིམ་དཔོན་རིགས་ཤིག་གིས་ཨ་མི་རི་ཀའི་སྐམ་མཚོ་གནམ་གསུམ་གྱི་དམག་གི་དཔུང་སྡེ་ཁག་གིས་བྱང་སྣེ་ས་ཁུལ་གྱི་བདེ་འཇགས་ལ་སྲུང་སྐྱོབ་དང་ཁུལ་དེའི་མངའ་ཁོངས་བདག་དབང་ལ་རྩོད་གཞི་ཆེ་བའི་གནད་དོན་ཁག་ལ་གདོང་ལེན་བྱ་དགོས་ཞེས་གསལ་སྟོན་གནང་ཞིང་། རེས་གཟའ་ལྷག་པའི་ཉིན་ཨ་མི་རི་ཀའི་མཚོ་དམག་གི་དམག་སྤྱི་ལས་ཚབ་ཐོ་མ་སི་མོ་ཌི་ལིས་ཨ་རིའི་གྲོས་ཚོགས་གོང་མའི་ཉན་ཞིབ་ཚོགས་འདུ་ཞིག་གི་ཐོག་ཏུ་ཨ་མི་རི་ཀའི་མཚོ་དམག་གིས་རྒྱ་ནག་དང་ར་ཤི་ཡ་གཉིས་ཀྱིས་འཛམ་གླིང་གི་བྱང་སྣེ་ས་ཁུལ་གྱི་བདེ་འཇགས་ལ་མངོན་གསལ་མེད་པར་ཉེན་ཁ་བཟོ་བཞིན་པར་དོ་སྣང་བྱས་ནས་མཚོ་དམག་གི་དམག་གྲུ་སྔར་ལས་མང་བ་ཞིག་གསར་བཟོ་བྱ་དགོས། བྱང་སྣེ་ས་ཁུལ་ནས་འཛམ་གླིང་ཡུལ་གྲུ་ཁག་གི་བདེ་འཇགས་ལ་ཉེན་ཁ་འཕྲད་སྲིད་པར་གདོང་ལེན་བྱ་དགོས་པའི་གསལ་སྟོན་གནང་ཡོད་པའི་སྐོར། འདི་ག་རླུང་འཕྲིན་ཁང་གི་རྒྱ་སྐད་སྡེ་ཚན་གྱི་གསར་འགོད་པ་ལི་པའོ་ཡིས་སྤེལ་བའི་གནས་ཚུལ་དེ་བདེ་ཆེན་རྒྱ་མཚོ་ལགས་ཀྱིས་ཕབ་སྒྱུར་དང་སྙན་སྒྲོན་ཞུ་གནང་གི་རེད།།

ཐད་ཀར་ཕབ་ལེན་གྱི་དྲ་འབྲེལ།


XS
SM
MD
LG