ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིས་བར་སྣང་འཕུར་དངོས་བཞི་གཏོར་བ་དང་། ཨ་རི་དང་ནུབ་ཆིངས་ཀྱིས་ཡུག་ཀེ་རན་ལ་གོ་མཚོན་གྱི་རྒྱབ་སྐྱོར། ཏུར་ཀི་དང་སེ་རི་ཡའི་ནང་གི་ས་ཡོམ་གོད་ཆག བོད་རང་བཙན་གསལ་བསྒྲགས་དུས་དྲན་ཐེངས་༡༡༠ པ། རྫ་ཆུའི་སྟོད་ཀྱི་ཆུ་མཛོད་ཀྱི་སྨད་རྒྱུད་ལ་གནོད་འཚེ་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་དོན་ལས་འགུལ་བསྟི་གནས་ཁང་གི་ཉམས་ཞིབ་པ་བསྟན་འཛིན་རྡོ་རྗེ་ལགས་དང་ལྷན་རྒྱ་འོག་གི་བོད་ཕྲུག་ཚོའི་ཆེད་རྒྱལ་ཚོགས་ཀྱིས་ཉེན་བརྡ་བཏང་བའི་མཚོན་དོན་ཐད་བགྲོ་གླེང་ཞུ་རྒྱུ་དང་། དེ་བཞིན་དུ་ཚེ་རིང་སྐྱིད་ལགས་ཀྱིས་ཨ་རིའི་རླུང་འཕྲིན་ཁང་གི་རྩོམ་སྒྲིག་འགན་འཛིན་ཚེ་བརྟན་དབང་ཕྱུག་ལགས་དང་ལྷན་ཨ་རིས་རྒྱ་ནག་གི་ལྒང་ཕུག་ཅིག་དང་བཅས་བར་སྣང་འཕུར་དངོས་བཞི་གཏོར་རྗེས་ཀྱི་ཨ་རི་དང་རྒྱ་ནག་གཉིས་ཀྱི་འབྲེལ་ལམ་ཐད་བགྲོ་གླེང་ཞུ་རྒྱུ།