བོད་ཀྱི་གཞོན་ནུ་ལྷན་ཚོགས་ནི་བཙན་བྱོལ་བོད་མིའི་སྤྱི་ཚོགས་ནང་གཞུང་འབྲེལ་མིན་པའི་སྒྲིག་འཛུགས་ཆེ་ཤོས་གཅིག་ཡིན་པ་མ་ཟད། ༡༩༧༠ ལོར་གསར་འཛུགས་བྱུང་བ་ནས་བཟུང་བོད་དོན་འཐབ་རྩོད་དང་མང་གཙོའི་འཕེམ་རིམ། སྤྱི་ཚོགས་ཀྱི་ལས་དོན་སོགས་ལ་གྲུབ་འབྲས་གང་ལེགས་བྱུང་ཡོད་པ་དང་། བཙན་བྱོལ་བོད་མིའི་སྤྱི་ཚོགས་ཀྱི་འགྱུར་བའི་འཕེལ་རིམ་གྱིས་གཞོན་ནུའི་སྒྲིག་འཛུགས་ལའང་ཤུགས་རྐྱེན་བྱུང་ཡོད་། ད་རིང་གི་ཀུན་གླེང་ལས་རིམ་གྱིས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་དབང་རིག་འཛིན་ལགས་དང་། དབུས་རྒྱུན་ཟུར་པ་བྱེས་གཞོངས་བློ་བཟང་ཚུལ་ཁྲིམས་ལགས། དེ་བཞིན་དབུས་རྒྱུན་ལས་ཟུར་པ་ཀརྨ་ཡེ་ཤེས་ལགས་བཅས་གདན་འདྲེན་ཞུས་ནས་དེང་སྐབས་བཞུགས་སྒར་དྷ་རམ་ས་ལར་ཚོགས་བཞིན་པའི་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཐེངས་ ༡༥ གྲོས་གཞི་དང་མ་འོངས་པར་སྒྲིག་འཛུགས་སྲ་བརྟན་གནས་ཐབས་ལ་ཚོགས་ཆེན་དེར་འགན་འཁུར་ཇི་ཡོད་བཅས་ཀྱི་སྐོར་ལ་བགྲོ་གླེང་ཞུ་རྒྱུ་ཡིན།