༄༅།། དབུས་བོད་མིའི་སྒྲིག་འཛུགས་ཀྱི་བུད་མེད་ནུས་སྟོབས་ཚན་པ་དང་བོད་ཀྱི་བུད་མེད་ལྷན་ཚོགས་གཉིས་ཟུང་འབྲེལ་གྱིས་བོད་པའི་བུད་མེད་ཚོར་བཙན་གཡེམ་དང་རྩུབ་སྤྱོད་བཀོལ་གྱི་ཡོད་པ་དེ་དག་ལས་སྲུང་སྐྱོབ་ཆེད་དུ་ལྟ་རྟོག་ཚན་པ་ཞིག་གསར་འཛུགས་བྱས་ཡོད་ཅིང་། ད་ལྟའི་ཆར་ཚན་པ་དེས་ཧི་མ་ཅལ་མངའ་སྡེའི་ནང་གི་བོད་པའི་བུད་མེད་ཚོར་ལམ་སྟོན་དང་བདེ་འཇགས་ཀྱི་ཁོར་ཡུག་བསྐྲུན་རྒྱུ། ཁྲིམས་ལུགས་ཀྱི་རྒྱབ་སྐྱོར་བྱ་རྒྱུའི་སྲི་ཞུ་ཁག་ཅིག་སྒྲུབ་ཀྱི་ཡོད་པར་མ་ཟད། ཕྱིས་སུ་བོད་པའི་གཞིས་ཆགས་ཁག་ཏུའང་ཡན་ལག་ཚན་པ་འཛུགས་འཆར་ཡོད་པའི་སྐོར། བཞུགས་སྒར་ནས་འདི་གའི་གསར་འགོད་པ་སྐལ་བཟང་འཇིགས་མེད་ལགས་ཀྱིས་བཏང་བའི་གནས་ཚུལ།
