ངོ་འཕྲད་བདེ་བའི་དྲ་འབྲེལ།

རིན་ཆེན་ཚུལ་ཁྲིམས་གར་སོང་ཆ་མེད་དུ་གྱུར་པ།


༄༅།། དེ་རིང་ཕྱི་ཚེས་༢༧་ཉིན་བཞུགས་སྒར་རྡ་རམ་ས་ལར་གནས་འཁོད་མིང་འདོན་བརྗོད་འདོད་མེད་པའི་བོད་པ་ཞིག་གིས་གནས་ཚུལ་མཁོ་སྤྲོད་བྱུང་བར་གཞིགས་ན། ༢༠༡༩་ལོའི་ཕྱི་ཟླ་༨་པའི་ཚེས་༡་ཉིན་བོད་མདོ་སྨད་རྔ་བའི་གྲྭ་རིན་ཆེན་ཚུལ་ཁྲིམས་རྔ་བ་རྫོང་གི་ཉེན་རྟོག་པས་འཛིན་བཟུང་བྱས་སོང་། ད་ལྟའི་བར་དུ་ལོ་གཅིག་དང་ཟླ་བ་བདུན་ཙམ་སོང་ཡང་ཁྲིམས་ཐག་བཅད་མི་འདུག ཕྱི་ལོ་༢༠༢༠་ཕྱི་ཟླ་༣་པའི་ཚེས་༢༣་ཉིན་བཟའ་མི་ཚོར་བརྡ་ཐོ་ཞིག་འབྱོར་འདུག་པ་དེར་རིན་ཆེན་ཚུལ་ཁྲིམས་ཀྱིས་རྒྱ་ནག་གཞུང་གི་ཁྲིམས་སྲོལ་ཨང་༡༢༤་དེ་འགལ་ནས་རྒྱ་ཁབ་ལ་ངོ་ལོག་པའི་ནག་ཉེས་ཕོག་པ་རེད་ཅེས་འཁོད་མོད། འོན་ཀྱང་རིན་ཆེན་ཚུལ་ཁྲིམས་འཆི་གསོན་ཅི་ཡིན་དང་ས་གནས་གང་ཞིག་ཏུ་འཛིན་བཟུང་བྱས་ནས་བཞག་ཡོད་མེད་ཀྱི་གནས་ཚུལ་གང་ཡང་ཤེས་རྟོགས་བྱུང་མེད་པའི་སྐོར། བཞུགས་སྒར་ནས་འདི་གའི་གསར་འགོད་པ་བསྟན་འཛིན་དབང་འདུས་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།

ཐད་ཀར་ཕབ་ལེན་གྱི་དྲ་འབྲེལ།


XS
SM
MD
LG