༄༅།། ཕྱི་ཟླ་༡༡་པའི་༡༤་སྟེ། རེས་གཟའ་ཉི་མའི་ཉིན་ཨ་རིའི་རྒྱལ་ས་ཝ་ཤིང་ཊོན་གྱི་ཕོ་བྲང་དཀར་པོའི་མདུན་ཐང་དུ་བོད་རང་བཙན་སློབ་ཕྲུག་ཚོགས་པས་བཀོད་སྒྲིག་འོག་བོད་པ་དང་ཡུ་གུར་བ། ཧོང་ཀོང་བ་བཅས་ཀྱིས་སང་ཉིན་གཟའ་ཟླ་བའི་ཕྱི་དྲོར་སྲིད་འཛིན་བྷ་ཌན་དང་ཞིས་ཅིན་ཕིང་གཉིས་དྲྭ་ལམ་དུ་ཐུག་འཕྲད་གྲོས་མོལ་བྱ་འཆར་ཡོད་པ་དེའི་སྐབས་སུ་སྲིད་འཛིན་བྷ་ཌན་གྱིས་འགྲོ་བ་མིའི་ཐོབ་ཐང་གི་རྩ་དོན་ངེས་པར་དུ་གླེང་སློང་གནང་དགོས་ཞེས་ནན་སྐུལ་དང་སྦྲགས། རྒྱ་ནག་གཞུང་ལ་ངོ་རྒོལ་སྐད་འབོད་ཀྱི་ལས་འགུལ་ཞིག་སྤེལ་ཡོད་པའི་སྐོར། ཀུན་བཟང་སྒྲོལ་མ་ལགས་ཀྱིས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།།
