༄༅། །འདི་ལོའི་སྲིད་སྐྱོང་དང་སྤྱི་འཐུས་ཀྱི་སྔོན་འགྲོའི་འོས་བསྡུའི་དྲིལ་བསྒྲགས་ལས་རིམ་མང་ཆེ་བ་སྤྱི་ཚོགས་དྲྭ་ལམ་བཀོལ་སྤྱོད་ཤུགས་ཆེས་བྱས་ཡོད་དང། དངོས་གཞིའི་འོས་བསྡུའི་སྐབས་སུའང་དྲིལ་བསྒྲགས་ལས་རིམ་མང་ཆེ་བ་དྲྭ་ལམ་བཀོལ་སྤྱོད་བྱ་རྒྱུ་ངེས་པ་རེད། ད་རིང་གི་བགྲོ་གླེང་མདུན་ཅོག་ལས་རིམ་ནང་འོས་བསྡུའི་སྐབས་སུ་སྤྱི་ཚོགས་དྲྭ་རྒྱ་བཀོལ་སྦྱོད་བྱེད་ཕྱོགས་བྱེད་ཕྱོགས་ལ་འོས་མི་དང་འོས་འཕེན་མི་མང་གཉིས་ཀྱིས་གཟབ་ནན་བྱ་དགོས་པ་གང་ཡོད་པ་སོགས་ཀྱི་ཐད་ལ་གླེང་མོལ་ཞུ་ཡི་ཡིན།
