བྲག་བརྐོས་མ་ཎི་བསུབ་དགོས་པ་དང་དར་ལྕོག་འཐེན་མི་ཆོག་པ།

༄༅།། ཉེ་ཆར་རྒྱ་ནག་གཞུང་གིས་སི་ཁྲོན་ཞིང་ཆེན་ཁོངས་ཀྱི་དཔལ་ཡུལ་ཕྱོགས་སུ་བཀོད་ཁྱབ་བཏང་སྟེ་རི་མགོར་རླུང་རྟ་གཏོར་པ་དང་དར་ལྕོག་འཛུགས་མི་ཆོག བྲག་ངོས་སོགས་སུ་མ་ཎི་དང་སྐུ་འདྲའི་རིགས་བརྐོས་ཡོད་པ་རྣམས་བསུབ་དགོས་ཞེས་བཀའ་རྒྱ་བཏང་ཡོད་པའི་གནས་ཚུལ་ཐོན། ད་ལྟ་ཕྱི་ཟླ་༧་པའི་ཚེས་༡༣་ཉིན་གསར་ཏུ་བོད་ནས་ཐད་ཀར་འདི་ག་རླུང་འཕྲིན་ཁང་ལ་གནས་ཚུལ་འབྱོར་བ་ལྟར་ན། མཚོ་སྔོན་ཞིང་ཆེན་ཁོངས་ཀྱི་མཚོ་ལྷོ་ཁུལ། བྲག་དཀར་རྫོང་གཙོས་རྫོང་ཁག་སོ་སོའི་བོད་སྡེ་ཁག་གི་རྒྱ་ཆེའི་མང་ཚོགས་ཀྱིས་རི་མགོར་དར་ལྕོག་འཐེན་པ་དང་རླུང་རྟ་གཏོར་པ། བྲག་ངོས་དང་རྡོ་ཐོག་ཏུ་མ་ཎི་དང་སངས་རྒྱས་ཀྱི་སྐུ་འདྲའི་རིགས་བརྐོས་ཡོད་པ་རྣམས་རྒྱལ་ཁབ་ཀྱི་བཀའ་ལྟར་བསུབ་དགོས་ཞེས་བཙན་བཀའ་བཏང་ཡོད་པའི་གནས་ཚུལ་ཐོན་འདུག

དེ་ཡང་མིང་དངོས་སུ་བརྗོད་འདོད་མེད་པའི་མི་ཞིག་གིས་བརྗོད་དོན་ལྟར་ན། རྒྱ་ནག་གཞུང་གིས་བོད་པ་ཚོས་རི་མགོར་དར་ལྕོག་འཐེན་པ་དང་རླུང་རྟ་གཏོར་པ། བྲག་ངོས་སོགས་སུ་རྡོ་བརྐོས་ཀྱི་སྐུ་བརྙན་བཞེང་གི་ཡོད་པ་དེས་མིའི་ཀུན་སྤྱོད་དང་ཁོར་ཡུག་ལ་འབག་བཙོག་བྱེད་ཀྱི་འདུག་ཅེས་བསྒྲགས་མོད། འོན་ཀྱང་རྒྱ་ནག་གཞུང་གིས་བོད་པ་ཚོས་མ་ཎི་བཏོན་པ་དང་བྲག་བརྐོས་ཀྱི་སྐུ་འདྲ་བཞེངས་པ་དེས་མིའི་ཀུན་སྤྱོད་དང་ཁོར་ཡུག་ལ་འབག་བཙོག་ཇི་ལྟར་བྱེད་ཀྱི་ཡོད་མེད་ཀྱི་འགྲེལ་བཤད་བརྒྱབ་མེད་ཅིང་། ད་དུང་འདས་བའི་ལོ་༢༠་ཡས་མས་ཤིག་ལ་བོད་ས་ཁག་ཏུ་སྡེ་པ་དང་སྡེ་པ། ཚོ་ཤོག་དང་ཚོ་ཤོག་བཅས་མཉམ་དུ་འདུས་ནས་མ་ཎི་དང་སྒྲོལ་མ་གསོག་སྒྲུབ་ཀྱི་སྤྱི་རིམ་སྒྲུབ་སྲོལ་ཡོད་པའང་འཚོགས་མི་ཆོག་པའི་བཀའ་རྒྱ་བཏང་ཡོད་པའི་གནས་ཚུལ་ཐོན་འདུག

གསར་འགྱུར་མཁོ་སྤྲོད་པས་མུ་མཐུད་དུ་བརྗོད་པ་ལྟར་ན། རྫོང་དང་ཁུལ་གྱི་ཉེན་རྟོག་པ་དང་ཆོས་ལུགས་ལས་དོན་གྱི་ལས་བྱེད་པ་རྣམས་སྡེ་པ་སོ་སོར་སླེབས་ནས་སྤྱི་རིམ་གསོག་སྒྲུབ་བྱེད་མི་ཆོག་པ་དང་མ་ཎི་འདོན་མི་ཆོག མི་སྐྱ་ཕོ་མོ་རྣམས་མཉམ་དུ་འདུས་ནས་ཞབས་རིམ་བསྒྲུབ་མི་ཆོག་ཅེས་སྔོན་བརྡ་བཏང་ཞིང་། དེར་བརྟེན་ད་ལོ་ནས་སྤྱི་རིམ་གསོག་སྒྲུབ་འཚོགས་རྒྱུ་མཚམས་བཅད། དགོན་པ་སོ་སོའི་ནང་དུའང་ལོ་ལྟར་རི་དགོན་གཉིས་ཀྱི་ཞབས་རིམ་ཆེད་དུ་བཀའ་འགྱུར་དག་སྒྲོགས་དང་ཞབས་རིམ་སྒྲུབ་པ་སོགས་ཀྱི་བྱེད་སྒོ་དུ་མ་ཞིག་སྤེལ་བཞིན་པ་ཕལ་ཆེ་བ་འཚོགས་ཐུབ་རྒྱུ་ཁག་པོ་ཡིན་པས་རྒྱ་གཞུང་གི་སྲིད་ཇུས་དེར་མང་ཚོགས་ཀྱིས་འདོད་མོས་མེད་པའི་བསམ་འཆར་འབྱུང་གི་ཡོད་པའི་སྐོར། བལ་ཡུལ་ནས་འདི་གའི་གསར་འགོད་པ་ཀུན་བཟང་བསྟན་འཛིན་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།

Embed share

Officials forced Tibetans to stop Hosting Prayer flags in Qinghai

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:46 0:00

ཐད་ཀར་ཕབ་ལེན་གྱི་དྲ་འབྲེལ།

• 32 kbps | MP3

གསན་གཟིགས་གནང་ས།