༄༅།། སྔ་འགྱུར་རྙིང་མའི་དབུ་འཛིན་གྱི་མཚན་གནས་རེ་ཞིག་ཕྱིར་བསྡུ་བྱ་རྒྱུའི་ཐག་བཅད་ཡོད་ཅིང་། ད་ནས་སྔ་འགྱུར་རྙིང་མའི་སྨོན་ལམ་ཆེན་མོའི་སྒྲིག་འཛུགས་ཀྱིས་ལས་དོན་ཁག་ལ་ཐུགས་འགན་གཙོ་བོ་བཞེས་རྒྱུ་ཡིན་ཞེས་གསལ་བསྒྲགས་སྤེལ་འདུག བོད་མི་དམངས་སྤྱི་འཐུས་ལྷན་ཁང་གི་རྙིང་མའི་སྤྱི་འཐུས་མཁན་པོ་བསོད་ནམས་བསྟན་འཕེལ་གྱིས་ཐེངས་འདིའི་ཡོངས་ཁྱབ་གསལ་བསྒྲགས་དང་སྔ་འགྱུར་རྙིང་མའི་དབུ་འཛིན་བསྐོ་འཇོག་ལ་འགྱུར་བ་གཏོང་དོན་སོགས་ངོ་སྤྲོད་གནང་ཡོད་པར་མ་ཟད། ཁོང་གིས་རྙིང་མའི་དབུ་འཛིན་བསྐོ་འཇོག་ལ་བསྐྱར་དུ་འགྱུར་བ་གཏོང་ཆོག དབུ་འཛིན་གྱི་ཁྲི་རབས་སླར་གསོ་བྱེད་མ་ཆོག་པ་ཞིག་མིན་ཞེས་གསུངས་ཡོད་པ་བཅས་ཀྱི་སྐོར། ཚེ་རིང་སྐྱིད་ཀྱིས་སྙན་སྒྲོན་ཞུ་རྒྱུ་རེད།
