དེ་རིང་ཕྱི་ཚེས་༡༤་ཉིན་ཤེས་རྟོག་བྱུང་པར་གཞིགས་ན། ཕྱི་ཟླ་༦་ཚེས་༡༡་ཉིན་ཁམས་རྟའུ་རྫོང་དུ་བཙུན་མ་ཞིག་གིས་རང་ལུས་མེར་སྲེག་བཏང་བ་དེའི་མིང་ལ་དབང་ཆེན་སྒྲོལ་མ་ཟེར་ཞིང་། ཁོང་གིས་རང་ལུས་མེར་སྲེག་གིས་ངོ་རྒོལ་བྱས་པའི་རྗེས་སུ་རྟའུ་རྫོང་གི་ས་གནས་ཡོངས་ལ་འདས་པའི་ཉིན་ཤས་རིང་ཁ་པར་དང་གློག་འཕྲིན་སོགས་ཀྱི་འབྲེལ་བ་ཆད་ཡོད་པ་་བཅས་ཀྱི་སྐོར། རྒྱ་གར་ལྷོ་ཕྱོགས་ནས་ང་ཚོའི་གསར་འགྱུར་མཁོ་གཏོང་བ་བསོད་ནམས་ཚེ་རིང་གིས་བཏང་བའི་གནས་ཚུལ་ཞིག་གསན་རོགས་གནང་།
